tirii nazar ke ishaaron se khel saktaa hoon

Tiree nazar ke ishaaron se khel saktaa hoon Jigar-faroz sharaaron se khel saktaa hoon Tumhaare daaman-e-rangeen kaa aasraa le kar Chaman ke mast nazaaron se khel saktaa hoon Kisee ke ahd-e-mohabbat kee yaad baaqee hai BaDe haseen sahaaron se khel saktaa hoon Maqaam-e-hosh-o-khirad intiqaam-e-vahshat hai Junoon kee raah-guzaaron se khel saktaa hoon Mujhe khizaan ke bagoole salaam karte hain Hayaa-farosh chanaaron se khel saktaa hoon Sharaab o sher ke Dariya men Doob kar 'saaghar' Suroor-o-kaif ke dhaaron se khel saktaa hoon Teri nazar ke ishaaron se khel sakta hun Jigar-faroz shararon se khel sakta hun Tumhaare daman-e-rangin ka aasra le kar Chaman ke mast nazaron se khel sakta hun Kisi ke ahd-e-mohabbat ki yaad baqi hai BaDe hasin sahaaron se khel sakta hun Maqam-e-hosh-o-KHirad intiqam-e-wahshat hai Junun ki rah-guzaron se khel sakta hun Mujhe KHizan ke bagule salam karte hain Haya-farosh chanaron se khel sakta hun Sharab o sher ke dariya mein Dub kar 'saghar' Surur-o-kaif ke dhaaron se khel sakta hun