26 january aao ki aaj gaur karen is savaal par

Aao ki aaj ghaur karen is savaal par Dekhe the ham ne jo wo haseen khvaab kya hue Daulat baDhee to mulk men iflaas kyuun baDhaa Khush-haalee-e-avaam ke asbaab kya hue Jo apne saath saath chale ku-e-daar tak Vo dost wo rafeeq wo ahbaab kya hue Kyaa mol lag raha hai shaheedon ke Khoon kaa Marte the jin pe ham wo sazaa-yaab kya hue Be-kas barahnagee ko kafan tak nahin naseeb Vo va.ada-haa-e-atlas-o-kim-khvaab kya hue Jamhooriyat-navaaz bashar-dost amn-khvaah Khud ko jo khud diye the wo alqaab kya hue Maz.hab kaa rog aaj bhee kyuun laa-'ilaaj hai Vo nuskha-haa-e-naadir-o-naayaab kya hue Har koocha sho'la-zaar hai har shahr qatl-gaah Yak-jehtee-e-hayaat ke aadaab kya hue Sahraa-e-teergee men bhaTaktee hai zindagee Ubhre the jo ufuq pe wo mahtaab kya hue Mujrim hoon main agar to gunahgaar tum bhee ho Ai rahbaraan-e-qaum khataa-kaar tum bhee ho Aao ki aaj ghaur karen is sawal par Dekhe the hum ne jo wo hasin KHwab kya hue Daulat baDhi to mulk mein iflas kyun baDha KHush-haali-e-awam ke asbab kya hue Jo apne sath sath chale ku-e-dar tak Wo dost wo rafiq wo ahbab kya hue Kya mol lag raha hai shahidon ke KHun ka Marte the jin pe hum wo saza-yab kya hue Be-kas barahnagi ko kafan tak nahin nasib Wo wada-ha-e-atlas-o-kim-KHwab kya hue Jamhuriyat-nawaz bashar-dost amn-KHwah KHud ko jo KHud diye the wo alqab kya hue Mazhab ka rog aaj bhi kyun la-'ilaj hai Wo nusKHa-ha-e-nadir-o-nayab kya hue Har kucha sho'la-zar hai har shahr qatl-gah Yak-jehti-e-hayat ke aadab kya hue Sahra-e-tirgi mein bhaTakti hai zindagi Ubhre the jo ufuq pe wo mahtab kya hue Mujrim hun main agar to gunahgar tum bhi ho Ai rahbaran-e-qaum KHata-kar tum bhi ho