aao ki koi khvaab bunen aao ki koi khvaab bunen kal ke vaaste

Aao ki koi khvaab bunen kal ke vaaste Varna ye raat aaj ke sangeen daur kee Das legee jaan o dil ko kuch aaise ki jaan o dil Taa-umr phir na koi haseen khvaab bun saken Go ham se bhaagtee rahi ye tez-gaam umar Khvaabon ke aasare pe kaTee hai tamaam umar Zulfon ke khvaab honTon ke khvaab aur badan ke khvaab Me.araaj-e-fan ke khvaab kamaal-e-sukhan ke khvaab Tahzeeb-e-zindagee ke farogh-e-vatan ke khvaab Zindaan ke khvaab koocha-e-daar-o-rasan ke khvaab Ye khvaab hee to apnee javaanee ke paas the Ye khvaab hee to apne amal kee asaas the Ye khvaab mar ga.e hain to be-rang hai hayaat Yuun hai ki jaise dast-e-tah-e-sang hai hayaat Aao ki koi khvaab bunen kal ke vaaste Varna ye raat aaj ke sangeen daur kee Das legee jaan o dil ko kuch aaise ki jaan o dil Taa-umr phir na koi haseen khvaab bun sakeen Aao ki koi KHwab bunen kal ke waste Warna ye raat aaj ke sangin daur ki Das legi jaan o dil ko kuch aaise ki jaan o dil Ta-umr phir na koi hasin KHwab bun saken Go hum se bhagti rahi ye tez-gam umar KHwabon ke aasare pe kaTi hai tamam umar Zulfon ke KHwab honTon ke KHwab aur badan ke KHwab Mearaj-e-fan ke KHwab kamal-e-suKHan ke KHwab Tahzib-e-zindagi ke farogh-e-watan ke KHwab Zindan ke KHwab kucha-e-dar-o-rasan ke KHwab Ye KHwab hi to apni jawani ke pas the Ye KHwab hi to apne amal ki asas the Ye KHwab mar gae hain to be-rang hai hayat Yun hai ki jaise dast-e-tah-e-sang hai hayat Aao ki koi KHwab bunen kal ke waste Warna ye raat aaj ke sangin daur ki Das legi jaan o dil ko kuch aaise ki jaan o dil Ta-umr phir na koi hasin KHwab bun sakin