ahl e dil aur bhi hain kya huaa gar mire yaaron ki zubanein chup hain

Kya huaa gar mire yaaron kee zubanein chup hain Mere shaahid mire yaaron ke sivaa aur bhee hain Ahl-e-dil aur bhee hain ahl-e-wafa aur bhee hain Ek ham hee nahin dunya se khafaa aur bhee hain Ham pe hee khatm nahin maslak-e-shoreeda-siree Chaak-dil aur bhee hain chaak-qabaa aur bhee hain Sar salaamat hai to kya sang-e-malaamat kee kamee Jaan baaqee hai to paikaan-e-qazaa aur bhee hain Munsif-e-shahr kee vahdat pe na harf aa jaa.e Log kahte hain ki arbab-e-jafaa aur bhee hain Kya hua gar mere yaron ki zabanen chup hain Mere shahid mere yaron ke siwa aur bhi hain Ahl-e-dil aur bhi hain ahl-e-wafa aur bhi hain Ek hum hi nahin duniya se KHafa aur bhi hain Hum pe hi KHatm nahin maslak-e-shorida-siri Chaak-dil aur bhi hain chaak-qaba aur bhi hain Sar salamat hai to kya sang-e-malamat ki kami Jaan baqi hai to paikan-e-qaza aur bhi hain Munsif-e-shahr ki wahdat pe na harf aa jae Log kahte hain ki arbab-e-jafa aur bhi hain