apne andar zaraa jhaank mere vatan

Apne andar zaraa jhaank mere vatan Apne aibon ko mat Dhaank mere vatan Teraa itihaas hai Khoon men luthDaa huaa Too abhee tak hai dunya men bichhDaa huaa Too ne apnon ko apna na maanaa kabhi Too ne insaan ko insaan na jaanaa kabhi Tere dharmon ne zaaton kee taqseem kee Tiree rasmon ne nafrat kee ta.aleem dee Vahshaton kaa chalan tujh men jaaree raha Qatl-o-khoon kaa junoon tujh pe taaree raha Apne andar zaraa jhaank mere vatan Too daraaviD hai yaa aariya nasl hai Jo bhee hai ab isee khaak kee fasl hai Rang aur nasl ke daa.ere se nikal Gir chukaa hai bahut der ab to sambhal Tere dil se jo nafrat na miT paa.egee Tere ghar men ghulaamee palaT aa.egee Teree barbaadiyon kaa tujhe vaasta DhoonD apne liye ab nayaa raasta Apne andar zaraa jhaank mere vatan Apne aibon ko mat Dhaank mere vatan Apne andar zara jhank mere watan Apne aibon ko mat Dhank mere watan Tera itihas hai KHun mein luthDa hua Tu abhi tak hai duniya mein bichhDa hua Tu ne apnon ko apna na mana kabhi Tu ne insan ko insan na jaana kabhi Tere dharmon ne zaton ki taqsim ki Teri rasmon ne nafrat ki talim di Wahshaton ka chalan tujh mein jari raha Qatl-o-KHun ka junun tujh pe tari raha Apne andar zara jhank mere watan Tu darawiD hai ya aariya nasl hai Jo bhi hai ab isi KHak ki fasl hai Rang aur nasl ke daere se nikal Gir chuka hai bahut der ab to sambhal Tere dil se jo nafrat na miT paegi Tere ghar mein ghulami palaT aaegi Teri barbaadiyon ka tujhe wasta DhunD apne liye ab naya rasta Apne andar zara jhank mere watan Apne aibon ko mat Dhank mere watan