bahut ghutan hai
— Sahir Ludhianvi
Bahut ghuTan hai koi soorat-e-bayaan nikle
Agar sadaa na uThe kam se kam fughaan nikle
Faqeer-e-shahr ke tan par libaas baaqee hai
Ameer-e-shahr ke armaan abhee kahaan nikle
Haqeeqaten hain salaamat to khvaab bahutere
Udaas kyuun ho jo kuch khvaab raa.egaan nikle
Vo falsafe jo har ik aastaan ke dushman the
Amal men aa.e to khud vaqf-e-aastaan nikle
Idhar bhee khaak uDee hai udhar bhee zakhm paDe
Jidhar se ho ke bahaaron ke kaarvaan nikle
Sitam ke daur men ham ahl-e-dil hee kaam aa.e
Zabaan pe naaz tha jin ko wo be-zabaan nikle
Bahut ghuTan hai koi surat-e-bayan nikle
Agar sada na uThe kam se kam fughan nikle
Faqir-e-shahr ke tan par libas baqi hai
Amir-e-shahr ke arman abhi kahan nikle
Haqiqaten hain salamat to KHwab bahutere
Udas kyun ho jo kuch KHwab raegan nikle
Wo falsafe jo har ek aastan ke dushman the
Amal mein aae to KHud waqf-e-astan nikle
Idhar bhi KHak uDi hai udhar bhi zaKHm paDe
Jidhar se ho ke bahaaron ke karwan nikle
Sitam ke daur mein hum ahl-e-dil hi kaam aae
Zaban pe naz tha jin ko wo be-zaban nikle