chakle ye kuuche ye niilaam ghar dilkashii ke

Ye kooche ye neelaam ghar dilkashee ke Ye luTte hue kaarvaan zindagee ke Kahaan hain kahaan hain muhaafiz khudee ke Sanaa-khvaan-e-taqdees-e-mashriq kahaan hain Ye pur-pech galiyaan ye be-khvaab baazaar Ye gumnaam raahee ye sikkon kee jhankaar Ye ismat ke saude ye saudon pe takraar Sanaa-khvaan-e-taqdees-e-mashriq kahaan hain Ta.affun se pur neem-raushan ye galiyaan Ye maslee huee adh khilee zard kaliyaan Ye biktee huee khokhlee rang-raliyaan Sanaa-khvaan-e-taqdees-e-mashriq kahaan hain Vo ujle dareechon men paayal kee chhan chhan Tanaffus kee uljhan pe table kee dhan dhan Ye be-rooh kamron men khaansee kee Than Than Sanaa-khvaan-e-taqdees-e-mashriq kahaan hain Ye goonje hue qahqahe raaston par Ye chaaron taraf bhiiD see khiDkiyon par Ye aavaaze khinchte hue aanchalon par Sanaa-khvaan-e-taqdees-e-mashriq kahaan hain Ye phoolon ke gajre ye paeekon ke chheenTe Ye bebaak nazren ye gustaakh fiqre Ye Dhalke badan aur ye madqooq chehre Sanaa-khvaan-e-taqdees-e-mashriq kahaan hain Ye bhookee nigaahen haseenon kee jaanib Ye baDhte hue haath seenon kee jaanib Lapakte hue paanv zeenon kee jaanib Sanaa-khvaan-e-taqdees-e-mashriq kahaan hain Yahaan piir bhee aa chuke hain javaan bhee Tanau-mand beTe bhee abbaa miyaan bhee Ye biivee bhee hai aur bahan bhee hai maan bhee Sanaa-khvaan-e-taqdees-e-mashriq kahaan hain Madad chaahtee hai ye havvaa kee beTee Yashodhaa kee ham-jins raadhaa kee beTee Payambar kee ummat zulekhaa kee beTee Sanaa-khvaan-e-taqdees-e-mashriq kahaan hain Bulaao khudaayaan-e-deen ko bulaao Ye kooche ye galiyaan ye manzar dikhaao Sanaa-khvaan-e-taqdees-e-mashriq ko laao Sanaa-khvaan-e-taqdees-e-mashriq kahaan hain Ye kuche ye nilam ghar dilkashi ke Ye luTte hue karwan zindagi ke Kahan hain kahan hain muhafiz KHudi ke Sana-KHwan-e-taqdis-e-mashriq kahan hain Ye pur-pech galiyan ye be-KHwab bazar Ye gumnam rahi ye sikkon ki jhankar Ye ismat ke saude ye saudon pe takrar Sana-KHwan-e-taqdis-e-mashriq kahan hain Taffun se pur nim-raushan ye galiyan Ye masli hui adh khili zard kaliyan Ye bikti hui khokhli rang-raliyan Sana-KHwan-e-taqdis-e-mashriq kahan hain Wo ujle darichon mein payal ki chhan chhan Tanaffus ki uljhan pe table ki dhan dhan Ye be-ruh kamron mein khansi ki Than Than Sana-KHwan-e-taqdis-e-mashriq kahan hain Ye gunje hue qahqahe raston par Ye chaaron taraf bhiD si khiDkiyon par Ye aawaze khinchte hue aanchalon par Sana-KHwan-e-taqdis-e-mashriq kahan hain Ye phulon ke gajre ye paikon ke chhinTe Ye bebak nazren ye gustaKH fiqre Ye Dhalke badan aur ye madquq chehre Sana-KHwan-e-taqdis-e-mashriq kahan hain Ye bhuki nigahen hasinon ki jaanib Ye baDhte hue hath sinon ki jaanib Lapakte hue panw zinon ki jaanib Sana-KHwan-e-taqdis-e-mashriq kahan hain Yahan pir bhi aa chuke hain jawan bhi Tanau-mand beTe bhi abba miyan bhi Ye biwi bhi hai aur bahan bhi hai man bhi Sana-KHwan-e-taqdis-e-mashriq kahan hain Madad chahti hai ye hawwa ki beTi Yashodha ki ham-jins radha ki beTi Payambar ki ummat zuleKHa ki beTi Sana-KHwan-e-taqdis-e-mashriq kahan hain Bulao KHudayan-e-din ko bulao Ye kuche ye galiyan ye manzar dikhao Sana-KHwan-e-taqdis-e-mashriq ko lao Sana-KHwan-e-taqdis-e-mashriq kahan hain