dhartii ki sulagtii chhaatii se bechain sharaare puuchhte hain

Dhartee kee sulagtee chhaatee se bechain sharaare poochhte hain Tum log jinhen apna na sake wo Khoon ke dhaare poochhte hain SaDkon kee zabaan chillaatee hai saagar ke kinaare poochhte hain Ye kis kaa lahoo hai kaun maraa ai rahbar-e-mulk-o-qaum bataa Ye jalte hue ghar kis ke hain ye kaTte hue tan kis ke hain Taqseem ke andar toofaan men luTte hue gulshan kis ke hain Bad-bakht fazaa.en kis kee hain barbaad nasheman kis ke hain Kuchh ham bhee sunen ham ko bhee sunaa Kis kaam ke hain ye deen-dharm jo sharm kaa daaman chaak karen Kis tarah ke hain ye desh-bhagat jo baste gharon ko khaak karen Ye roohen kaisee roohen hain jo dhartee ko naapaak karen Aankhen to uThaa nazren to milaa Jis raam ke naam pe Khoon bahe us raam kee 'izzat kya hogee Jis diin ke haathon laaj luTe is diin kee qeemat kya hogee Insaan kee is zillat se pare shaitaan kee zillat kya hogee Ye ved haTaa qur.aan uThaa Ye kis kaa lahoo hai kaun miraa Ai rahbar-e-mulk-o-qaum bataa Dharti ki sulagti chhati se bechain sharare puchhte hain Tum log jinhen apna na sake wo KHun ke dhaare puchhte hain SaDkon ki zaban chillati hai sagar ke kinare puchhte hain Ye kis ka lahu hai kaun mara ai rahbar-e-mulk-o-qaum bata Ye jalte hue ghar kis ke hain ye kaTte hue tan kis ke hain Taqsim ke andar tufan mein luTte hue gulshan kis ke hain Bad-baKHt fazaen kis ki hain barbaad nasheman kis ke hain Kuchh hum bhi sunen hum ko bhi suna Kis kaam ke hain ye din-dharm jo sharm ka daman chaak karen Kis tarah ke hain ye desh-bhagat jo baste gharon ko KHak karen Ye ruhen kaisi ruhen hain jo dharti ko napak karen Aankhen to uTha nazren to mila Jis ram ke nam pe KHun bahe us ram ki 'izzat kya hogi Jis din ke hathon laj luTe is din ki qimat kya hogi Insan ki is zillat se pare shaitan ki zillat kya hogi Ye wed haTa quran uTha Ye kis ka lahu hai kaun mera Ai rahbar-e-mulk-o-qaum bata