ek tasviir e rang

Main ne jis waqt tujhe pahle-pahal dekhaa tha Too javaanee kaa koi khvaab nazar aa.ee thee Husn kaa naghma-e-javed huee thee ma.aloom Ishq kaa jazb-e-betaab nazar aa.ee thee Ai tarab-zaar javaanee kee pareshaan titlee Too bhee ik boo-e-giraftaar hai ma.aloom na tha Tere jalvaon men bahaaren nazar aatee thiin mujhe Too sitam-khoorda-e-idbaar hai ma.aloom na tha Tere naazuk se paron par ye zar-o-seem kaa bojh Teree parvaaz ko aazaad na hone degaa Too ne raahat kee tamannaa men jo gham paalaa hai Vo tiree ruuh ko aabaad na hone degaa Too ne sarmaa.e kee Chaaon men panapne ke liye Apne dil apnee mohabbat kaa lahoo bechaa hai Din kee taz.een-e-fasurda kaa asaasa le kar Shokh raaton kee masarrat kaa lahoo bechaa hai Zakhm-khurda hain takhayyul kee uDaanen teree Tere geeton men tiree ruuh ke gham palte hain Surmageen aa.ankhon men yuun hasraten lau detee hain Jaise veeraan mazaaron pe diye julte hain Is se kya faa.eda rangeen libaadon ke tale Ruuh jaltee rahe ghultee rahe pazhmurda rahe HonT hanste hon dikhaave ke tabassum ke liye Dil gham-e-zeest se bojhal rahe aazurda rahe Dil kee taskeen bhee hai aasaa.ish-e-hastee kee daleel Zindagee sirf zar-o-seem kaa paimaana nahin Ziist ehsaas bhee hai shauq bhee hai dard bhee hai Sirf anfaas kee tarteeb kaa afsaana nahin Umar bhar rengte rehne se kaheen behtar hai Ek lamha jo tiree ruuh men vus.at bhar de Ek lamha jo tire giit ko shokhee de de Ek lamha jo tiree lai men masarrat bhar de Main ne jis waqt tujhe pahle-pahal dekha tha Tu jawani ka koi KHwab nazar aai thi Husn ka naghma-e-jawed hui thi malum Ishq ka jazb-e-betab nazar aai thi Ai tarab-zar jawani ki pareshan titli Tu bhi ek bu-e-giraftar hai malum na tha Tere jalwaon mein bahaaren nazar aati thin mujhe Tu sitam-KHurda-e-idbar hai malum na tha Tere nazuk se paron par ye zar-o-sim ka bojh Teri parwaz ko aazad na hone dega Tu ne rahat ki tamanna mein jo gham pala hai Wo teri ruh ko aabaad na hone dega Tu ne sarmae ki chhanw mein panapne ke liye Apne dil apni mohabbat ka lahu becha hai Din ki tazin-e-fasurda ka asasa le kar ShoKH raaton ki masarrat ka lahu becha hai ZaKHm-KHurda hain taKHayyul ki uDanen teri Tere giton mein teri ruh ke gham palte hain Surmagin aaankhon mein yun hasraten lau deti hain Jaise viran mazaron pe diye julte hain Is se kya faeda rangin libaadon ke tale Ruh jalti rahe ghulti rahe pazhmurda rahe HonT hanste hon dikhawe ke tabassum ke liye Dil gham-e-zist se bojhal rahe aazurda rahe Dil ki taskin bhi hai aasaish-e-hasti ki dalil Zindagi sirf zar-o-sim ka paimana nahin Zist ehsas bhi hai shauq bhi hai dard bhi hai Sirf anfas ki tartib ka afsana nahin Umar bhar rengte rehne se kahin behtar hai Ek lamha jo teri ruh mein wusat bhar de Ek lamha jo tere git ko shoKHi de de Ek lamha jo teri lai mein masarrat bhar de