faraar

Apne maazee ke tasavvur se hiraasaan hoon main Apne guzre hue ayyaam se nafrat hai mujhe Apnee be-kaar tamannaaon pe sharminda hoon Apnee be-sood umeedon pe nadaamat hai mujhe Mere maazee ko andhere men dabaa rehne do Meraa maazee miree zillat ke sivaa kuch bhee nahin Meree ummeedon kaa haasil miree kaavish kaa sila Ek be-naam aziyyat ke sivaa kuch bhee nahin Kitnee be-kaar umeedon kaa sahaaraa le kar Main ne aivaan sajaa.e the kisee kee khaatir Kitnee be-rabt tamannaaon ke mub.ham khaake Apne khawabon men basaa.e the kisee kee khaatir Mujh se ab meree mohabbat ke fasaane na kaho Mujh ko kahne do ki main ne unhen chaahaa hee nahin Aur wo mast nigaahen jo mujhe bhuul ga.iin Main ne un mast nigaahon ko saraahaa hee nahin Mujh ko kahne do ki main aaj bhee jee saktaa hoon Ishq naakaam sahee zindagee naakaam nahin In ko apnaane kee khwaish unhen paane kee talab Shauq-e-bekaar sahee sa.ee-e-gham-e-anjaam nahin Vahee gesoo vahee nazren vahee aariz vahee jism Main jo chaahoon to mujhe aur bhee mil sakte hain Vo kanval jin ko kabhi un ke liye khilnaa tha Un kee nazron se bahut duur bhee khil sakte hain Apne mazi ke tasawwur se hirasan hun main Apne guzre hue ayyam se nafrat hai mujhe Apni be-kar tamannaon pe sharminda hun Apni be-sud umidon pe nadamat hai mujhe Mere mazi ko andhere mein daba rehne do Mera mazi meri zillat ke siwa kuch bhi nahin Meri ummidon ka hasil meri kawish ka sila Ek be-nam aziyyat ke siwa kuch bhi nahin Kitni be-kar umidon ka sahaara le kar Main ne aiwan sajae the kisi ki KHatir Kitni be-rabt tamannaon ke mubham KHake Apne KHwabon mein basae the kisi ki KHatir Mujh se ab meri mohabbat ke fasane na kaho Mujh ko kahne do ki main ne unhen chaha hi nahin Aur wo mast nigahen jo mujhe bhul gain Main ne un mast nigahon ko saraha hi nahin Mujh ko kahne do ki main aaj bhi ji sakta hun Ishq nakaam sahi zindagi nakaam nahin In ko apnane ki KHwahish unhen pane ki talab Shauq-e-bekar sahi sai-e-gham-e-anjam nahin Wahi gesu wahi nazren wahi aariz wahi jism Main jo chahun to mujhe aur bhi mil sakte hain Wo kanwal jin ko kabhi un ke liye khilna tha Un ki nazron se bahut dur bhi khil sakte hain