jab kabhi un ki tavajjoh men kamii paaii gaii

Jab kabhi un kee tavajjoh men kamee paa.ee ga.ee Az-sar-e-nau daastaan-e-shauq dohraa.ee ga.ee Bik ga.e jab tere lab phir tujh ko kya shikva agar Zindagaanee baada o saaghar se bahlaa.ee ga.ee Ai gham-e-dunya tujhe kya ilm tere vaaste Kin bahaanon se tabee.at raah par laa.ee ga.ee Ham karen tark-e-wafa achchhaa chalo yuun hee sahee Aur agar tark-e-wafa se bhee na rusvaa.ee ga.ee Kaise kaise chashm o aariz gard-e-gham se bujh ga.e Kaise kaise paikaron kee shaan-e-zebaa.ee ga.ee Dil kee dhaDkan men tavaazun aa chalaa hai khair ho Meree nazren bujh ga.iin yaa teree ra.anaa.ee ga.ee Un kaa gham un kaa tasavvur un ke shikve ab kahaan Ab to ye baaten bhee ai dil ho ga.iin aa.ee ga.ee Jur.at-e-insaan pe go taadeeb ke pahre rahe Fitrat-e-insaan ko kab zanjeer pahnaa.ee ga.ee Arsa-e-hastee men ab tesha-zanon kaa daur hai Rasm-e-changezee uThee tauqeer-e-daaraa.ee ga.ee Jab kabhi un ki tawajjoh mein kami pai gai Az-sar-e-nau dastan-e-shauq dohrai gai Bik gae jab tere lab phir tujh ko kya shikwa agar Zindagani baada o saghar se bahlai gai Ai gham-e-duniya tujhe kya ilm tere waste Kin bahanon se tabiat rah par lai gai Hum karen tark-e-wafa achchha chalo yun hi sahi Aur agar tark-e-wafa se bhi na ruswai gai Kaise kaise chashm o aariz gard-e-gham se bujh gae Kaise kaise paikaron ki shan-e-zebai gai Dil ki dhaDkan mein tawazun aa chala hai KHair ho Meri nazren bujh gain ya teri ranai gai Un ka gham un ka tasawwur un ke shikwe ab kahan Ab to ye baaten bhi ai dil ho gain aai gai Jurat-e-insan pe go tadib ke pahre rahe Fitrat-e-insan ko kab zanjir pahnai gai Arsa-e-hasti mein ab tesha-zanon ka daur hai Rasm-e-changezi uThi tauqir-e-darai gai