javaahar laal nehruu jism ki maut koi maut nahin hotii hai

Jism kee maut koi maut nahin hotee hai Jism miT jaane se insaan nahin mar jaate DhaDkanen rukne se armaan nahin mar jaate Saans tham jaane se elaan nahin mar jaate HonT jam jaane se farmaan nahin mar jaate Jism kee maut koi maut nahin hotee hai Vo jo har diin se munkir tha har ik dharm se duur Phir bhee har diin har ik dharm kaa gham-khvaar raha Saaree qaumon ke gunaahon kaa kaDaa bojh liye Umr-bhar soorat-e-eesaa jo sar-e-daar raha Jis ne insaanon kee taqseem ke sadme jhele Phir bhee insaan kee ukhuvvat kaa parastaar raha Jis kee nazron men tha ik aalamee tahzeeb kaa khvaab Jis kaa har saans na.e ahd kaa me.amaar raha Jis ne zardaar-e-ma.eeshat ko gavaaraa na kiyaa Jis ko aa.een-e-musaavaat pe israar raha Us ke farmaanon kee elaanon kee taazeem karo Raakh taqseem kee armaan bhee taqseem karo Maut aur ziist ke sangam pe pareshaan kyuun ho Us kaa bakhshaa huaa sah-rang-e-alam le ke chalo Jo tumhen jaada-e-manzil kaa pata deta hai Apnee peshaanee par wo naqsh-e-qadam le ke chalo Daaman-e-waqt pe ab Khoon ke chheenTe na paDen Ek markaz kee taraf dair-o-haram le ke chalo Ham miTaa Daalenge sarmaaya-o-mehnat kaa tazaad Ye aqeeda ye iraada ye qasam le ke chalo Vo jo hamraaz raha haazir-o-mustaqbil kaa Us ke khawabon kee khushee ruuh kaa gham le ke chalo Jism kee maut koi maut nahin hotee hai Jism miT jaane se insaan nahin mar jaate DhaDkanen rukne se armaan nahin mar jaate Saans tham jaane se elaan nahin mar jaate HonT jam jaane se farmaan nahin mar jaate Jism kee maut koi maut nahin hotee hai Jism ki maut koi maut nahin hoti hai Jism miT jaane se insan nahin mar jate DhaDkanen rukne se arman nahin mar jate Sans tham jaane se elan nahin mar jate HonT jam jaane se farman nahin mar jate Jism ki maut koi maut nahin hoti hai Wo jo har din se munkir tha har ek dharm se dur Phir bhi har din har ek dharm ka gham-KHwar raha Sari qaumon ke gunahon ka kaDa bojh liye Umr-bhar surat-e-isa jo sar-e-dar raha Jis ne insanon ki taqsim ke sadme jhele Phir bhi insan ki uKHuwwat ka parastar raha Jis ki nazron mein tha ek aalami tahzib ka KHwab Jis ka har sans nae ahd ka meamar raha Jis ne zardar-e-maishat ko gawara na kiya Jis ko aain-e-musawat pe israr raha Us ke farmanon ki elanon ki tazim karo Rakh taqsim ki arman bhi taqsim karo Maut aur zist ke sangam pe pareshan kyun ho Us ka baKHsha hua sah-rang-e-alam le ke chalo Jo tumhein jada-e-manzil ka pata deta hai Apni peshani par wo naqsh-e-qadam le ke chalo Daman-e-waqt pe ab KHun ke chhinTe na paDen Ek markaz ki taraf dair-o-haram le ke chalo Hum miTa Dalenge sarmaya-o-mehnat ka tazad Ye aqida ye irada ye qasam le ke chalo Wo jo hamraaz raha hazir-o-mustaqbil ka Us ke KHwabon ki KHushi ruh ka gham le ke chalo Jism ki maut koi maut nahin hoti hai Jism miT jaane se insan nahin mar jate DhaDkanen rukne se arman nahin mar jate Sans tham jaane se elan nahin mar jate HonT jam jaane se farman nahin mar jate Jism ki maut koi maut nahin hoti hai