kabhi kabhi kabhi kabhi mire dil men khayaal aataa hai

Kabhi kabhi mire dil men khayaal aataa hai Ki zindagee tiree zulfon kee narm Chaaon men Guzarne paatee to shaadaab ho bhee saktee thee Ye teergee jo miree ziist kaa muqaddar hai Tiree nazar kee shuaaon men kho bhee saktee thee Ajab na tha ki main begaana-e-alam ho kar Tire jamaal kee ra.anaa.iyon men kho rahtaa Tiraa gudaaz-badan teree neem-baaz aankhen Inhee haseen fasaanon men mahv ho rahtaa Pukaarteen mujhe jab talkhiyaan zamaane kee Tire labon se halaavat ke ghoonT pee letaa Hayaat cheekhtee phirtee barahna sar aur main Ghaneree zulfon ke saa.e men chhup ke jee letaa Magar ye ho na sakaa aur ab ye aalam hai Ki too nahin tiraa gham teree justujoo bhee nahin Guzar rahi hai kuch is tarah zindagee jaise Ise kisee ke sahaare kee aarzoo bhee nahin Zamaane bhar ke dukhon ko lagaa chukaa hoon gale Guzar raha hoon kuch an-jaanee rahguzaaron se Muheeb saa.e miree samt baDhte aate hain Hayaat o maut ke pur-haul khaarzaaron se Na koi jaada-e-manzil na raushnee kaa suraagh BhaTak rahi hai khalaaon men zindagee meree Inhee khalaaon men rah jaa.oongaa kabhi kho kar Main jaantaa hoon miree ham-nafas magar yoonhee Kabhee kabhi mire dil men khayaal aataa hai Kabhi kabhi mere dil mein KHayal aata hai Ki zindagi teri zulfon ki narm chhanw mein Guzarne pati to shadab ho bhi sakti thi Ye tirgi jo meri zist ka muqaddar hai Teri nazar ki shuaon mein kho bhi sakti thi Ajab na tha ki main begana-e-alam ho kar Tere jamal ki ranaiyon mein kho rehta Tera gudaz-badan teri nim-baz aankhen Inhi hasin fasanon mein mahw ho rehta Pukartin mujhe jab talKHiyan zamane ki Tere labon se halawat ke ghunT pi leta Hayat chiKHti phirti barahna sar aur main Ghaneri zulfon ke sae mein chhup ke ji leta Magar ye ho na saka aur ab ye aalam hai Ki tu nahin tera gham teri justuju bhi nahin Guzar rahi hai kuch is tarah zindagi jaise Ise kisi ke sahaare ki aarzu bhi nahin Zamane bhar ke dukhon ko laga chuka hun gale Guzar raha hun kuch an-jaani rahguzaron se Muhib sae meri samt baDhte aate hain Hayat o maut ke pur-haul KHarzaron se Na koi jada-e-manzil na raushni ka suragh BhaTak rahi hai KHalaon mein zindagi meri Inhi KHalaon mein rah jaunga kabhi kho kar Main jaanta hun meri ham-nafas magar yunhi Kabhi kabhi mere dil mein KHayal aata hai