khuub suurat mod chalo ik baar phir se ajnabii ban jaaen ham donon

Chalo ik baar phir se ajnabee ban jaa.en ham donon Na main tum se koi ummeed rakhoon dil-navaazee kee Na tum meree taraf dekho ghalat-andaaz nazron se Na mere dil kee dhaDkan laDkhaDaa.e meree baaton se Na zaahir ho tumhaaree kashmakash kaa raaz nazron se Tumhen bhee koi uljhan roktee hai pesh-qadmee se Mujhe bhee log kahte hain ki ye jalve paraa.e hain Mire hamraah bhee rusvaa.iyaan hain mere maazee kee Tumhaare saath bhee guzree huee raaton ke saa.e hain Ta.aaruf rog ho jaa.e to us kaa bhoolnaa behtar Ta'alluq bojh ban jaa.e to us ko toDnaa achchhaa Vo afsaana jise anjaam tak laanaa na ho mumkin Use ik khoob-soorat moD de kar chhoDnaa achchhaa Chalo ik baar phir se ajnabee ban jaa.en ham donon Chalo ek bar phir se ajnabi ban jaen hum donon Na main tum se koi ummid rakhun dil-nawazi ki Na tum meri taraf dekho ghalat-andaz nazron se Na mere dil ki dhaDkan laDkhaDae meri baaton se Na zahir ho tumhaari kashmakash ka raaz nazron se Tumhein bhi koi uljhan rokti hai pesh-qadmi se Mujhe bhi log kahte hain ki ye jalwe parae hain Mere hamrah bhi ruswaiyan hain mere mazi ki Tumhaare sath bhi guzri hui raaton ke sae hain Taaruf rog ho jae to us ka bhulna behtar Ta'alluq bojh ban jae to us ko toDna achchha Wo afsana jise anjam tak lana na ho mumkin Use ek KHub-surat moD de kar chhoDna achchha Chalo ek bar phir se ajnabi ban jaen hum donon