Khoon phir Khoon hai zulm phir zulm hai badhtaa hai to mit jaataa hai

Zulm phir zulm hai baDhtaa hai to miT jaataa hai Khuun phir Khoon hai Tapkegaa to jam jaa.egaa Khaak-e-sahraa pe jame yaa kaf-e-qaatil pe jame Farq-e-insaaf pe yaa paa-e-salaasil pe jame Tegh-e-be-daad pe yaa laasha-e-bismil pe jame Khuun phir Khoon hai Tapkegaa to jam jaa.egaa Laakh baiThe koi chhup-chhup ke kameen-gaahon men Khuun khud deta hai jalladon ke maskan kaa suraagh Saazishen laakh uDaatee raheen zulmat kee naqaab Le ke har buund nikaltee hai hathelee pe charaagh Zulm kee qismat-e-naakaara-o-rusvaa se kaho Jabr kee hikmat-e-parkaar ke iimaa se kaho Mahmil-e-majlis-e-aqvaam kee lailaa se kaho Khuun deevaana hai daaman pe lapak saktaa hai Sho.ala-e-tund hai khirman pe lapak saktaa hai Tum ne jis Khoon ko maqtal men dabaanaa chaahaa Aaj wo koocha o baazaar men aa niklaa hai Kaheen sho.ala kaheen na.ara kaheen patthar ban kar Khuun chaltaa hai to ruktaa nahin sangeenon se Sar uThaataa hai to dabtaa nahin aa.eenon se Zulm kee baat hee kya zulm kee auqaat hee kya Zulm bas zulm hai aaghaaz se anjaam talak Khuun phir Khoon hai sau shakl badal saktaa hai Aisee shaklen ki miTaao to miTaa.e na bane Aaise sho.ale ki bujhaao to bujhaa.e na bane Aaise na.are ki dabaao to dabaa.e na bane Zulm phir zulm hai baDhta hai to miT jata hai KHun phir KHun hai Tapkega to jam jaega KHak-e-sahra pe jame ya kaf-e-qatil pe jame Farq-e-insaf pe ya pa-e-salasil pe jame Tegh-e-be-dad pe ya lasha-e-bismil pe jame KHun phir KHun hai Tapkega to jam jaega Lakh baiThe koi chhup-chhup ke kamin-gahon mein KHun KHud deta hai jalladon ke maskan ka suragh Sazishen lakh uDati rahin zulmat ki naqab Le ke har bund nikalti hai hatheli pe charagh Zulm ki qismat-e-nakara-o-ruswa se kaho Jabr ki hikmat-e-parkar ke ima se kaho Mahmil-e-majlis-e-aqwam ki laila se kaho KHun diwana hai daman pe lapak sakta hai Shoala-e-tund hai KHirman pe lapak sakta hai Tum ne jis KHun ko maqtal mein dabana chaha Aaj wo kucha o bazar mein aa nikla hai Kahin shoala kahin nara kahin patthar ban kar KHun chalta hai to rukta nahin sanginon se Sar uThata hai to dabta nahin aainon se Zulm ki baat hi kya zulm ki auqat hi kya Zulm bas zulm hai aaghaz se anjam talak KHun phir KHun hai sau shakl badal sakta hai Aisi shaklen ki miTao to miTae na bane Aaise shoale ki bujhao to bujhae na bane Aaise nare ki dabao to dabae na bane