kisi ko udaas dekh kar tumhen udaas saa paataa hoon main kaii din se

Tumhen udaas saa paataa hoon main ka.ee din se Na jaane kaun se sadme uThaa rahi ho tum Vo shokhiyaan wo tabassum wo qahqahe na rahe Har ek chiiz ko hasrat se dekhtee ho tum Chhupaa chhupaa ke khamoshee men apnee bechainee Khud apne raaz kee tash.heer ban ga.ee ho tum Meree umiid agar miT ga.ee to miTne do Umiid kya hai bas ik pesh-o-pas hai kuch bhee nahin Miree hayaat kee ghamgeeniyon kaa gham na karo Gham-e-hayaat gham-e-yak-nafas hai kuch bhee nahin Tum apne husn kee ra.anaa.iyon pe rahm karo Vafaa fareb hai tool-e-havas hai kuch bhee nahin Mujhe tumhaare taghaaful se kyuun shikaayat ho Miree fanaa mire ehsaas kaa taqaazaa hai Main jaantaa hoon ki dunya kaa khauf hai tum ko Mujhe khabar hai ye dunya ajiib dunya hai Yahaan hayaat ke parde men maut paltee hai Shikast-e-saaz kee awaaz rooh-e-naghma hai Mujhe tumhaaree judaa.ee kaa koi ranj nahin Mire khayaal kee dunya men mere paas ho tum Ye tum ne Thiik kahaa hai tumhen milaa na karoon Magar mujhe ye bataa do ki kyuun udaas ho tum Khafaa na honaa miree jur.at-e-takhaatub par Tumhen khabar hai miree zindagee kee aas ho tum Miraa to kuch bhee nahin hai main ro ke jee loongaa Magar khuda ke liye tum aseer-e-gham na raho Huaa hee kya jo zamaane ne tum ko chheen liyaa Yahaan pe kaun huaa hai kisee kaa socho to Mujhe qasam hai miree dukh-bharee javaanee kee Main khush hoon meree mohabbat ke phuul Thukraa do Main apnee ruuh kee har ik khushee miTaa loongaa Magar tumhaaree masarrat miTaa nahin saktaa Main khud ko maut ke haathon men saunp saktaa hoon Magar ye baar-e-masaa.ib uThaa nahin saktaa Tumhaare gham ke sivaa aur bhee to gham hain mujhe Najaat jin se main ik lahza paa nahin saktaa Ye oonche oonche makaanon kee DevDhiyon ke tale Har ek gaam pe bhooke bhikaariyon kee sadaa Har ek ghar men hai aflaas aur bhuuk kaa shor Har ek samt ye insaaniyat kee aah-o-bukaa Ye kaar-khaanon men lohe kaa shor-o-ghul jis men Hai dafn laakhon ghareebon kee ruuh kaa naghma Ye shaah-raahon pe rangeen saaDiyon kee jhalak Ye jhonpaDon men ghareebon ke be-kafan laashe Ye maal-road pe caron kee rel-pel kaa shor Ye pTriyon pe ghareebon ke zard-roo bachche Galee galee men ye bikte hue javaan chehre Husain aa.ankhon men afsurdagee see chhaa.ee huee Ye jang aur ye mere vatan ke shokh javaan Khareedee jaatee hain uThtee javaaniyaan jin kee Ye baat baat pe qaanoon o zaabte kee giraft Ye zillaten ye ghulaamee ye daur-e-majbooree Ye gham bahut hain miree zindagee miTaane ko Udaas rah ke mire dil ko aur ranj na do Tumhein udas sa pata hun main kai din se Na jaane kaun se sadme uTha rahi ho tum Wo shoKHiyan wo tabassum wo qahqahe na rahe Har ek chiz ko hasrat se dekhti ho tum Chhupa chhupa ke KHamoshi mein apni bechaini KHud apne raaz ki tashhir ban gai ho tum Meri umid agar miT gai to miTne do Umid kya hai bas ek pesh-o-pas hai kuch bhi nahin Meri hayat ki ghamginiyon ka gham na karo Gham-e-hayat gham-e-yak-nafas hai kuch bhi nahin Tum apne husn ki ranaiyon pe rahm karo Wafa fareb hai tul-e-hawas hai kuch bhi nahin Mujhe tumhaare taghaful se kyun shikayat ho Meri fana mere ehsas ka taqaza hai Main jaanta hun ki duniya ka KHauf hai tum ko Mujhe KHabar hai ye duniya ajib duniya hai Yahan hayat ke parde mein maut palti hai Shikast-e-saz ki aawaz ruh-e-naghma hai Mujhe tumhaari judai ka koi ranj nahin Mere KHayal ki duniya mein mere pas ho tum Ye tum ne Thik kaha hai tumhein mila na karun Magar mujhe ye bata do ki kyun udas ho tum KHafa na hona meri jurat-e-taKHatub par Tumhein KHabar hai meri zindagi ki aas ho tum Mera to kuch bhi nahin hai main ro ke ji lunga Magar KHuda ke liye tum asir-e-gham na raho Hua hi kya jo zamane ne tum ko chhin liya Yahan pe kaun hua hai kisi ka socho to Mujhe qasam hai meri dukh-bhari jawani ki Main KHush hun meri mohabbat ke phul Thukra do Main apni ruh ki har ek KHushi miTa lunga Magar tumhaari masarrat miTa nahin sakta Main KHud ko maut ke hathon mein saunp sakta hun Magar ye bar-e-masaib uTha nahin sakta Tumhaare gham ke siwa aur bhi to gham hain mujhe Najat jin se main ek lahza pa nahin sakta Ye unche unche makanon ki DewDhiyon ke tale Har ek gam pe bhuke bhikariyon ki sada Har ek ghar mein hai aflas aur bhuk ka shor Har ek samt ye insaniyat ki aah-o-buka Ye kar-KHanon mein lohe ka shor-o-ghul jis mein Hai dafn lakhon gharibon ki ruh ka naghma Ye shah-rahon pe rangin saDiyon ki jhalak Ye jhonpaDon mein gharibon ke be-kafan lashe Ye mal-road pe caron ki rel-pel ka shor Ye pTriyon pe gharibon ke zard-ru bachche Gali gali mein ye bikte hue jawan chehre Husain aaankhon mein afsurdagi si chhai hui Ye jang aur ye mere watan ke shoKH jawan KHaridi jati hain uThti jawaniyan jin ki Ye baat baat pe qanun o zabte ki giraft Ye zillaten ye ghulami ye daur-e-majburi Ye gham bahut hain meri zindagi miTane ko Udas rah ke mere dil ko aur ranj na do