maadaam

Aap be-vaj.h pareshaan see kyuun hain maadaam Log kahte hain to phir Thiik hee kahte honge Mere ahbaab ne tahzeeb na seekhee hogee Mere maahaul men insaan na rahte honge Noor-e-sarmaaya se hai roo-e-tamaddun kee jilaa Ham jahaan hain vahaan tahzeeb nahin pal saktee Muflisee hiss-e-lataafat ko miTaa detee hai Bhuuk aadaab ke saanchon men nahin Dhal saktee Log kahte hain to logon pe ta.ajjub kaisaa Sach to kahte hain ki naadaaron kee izzat kaisee Log kahte hain magar aap abhee tak chup hain Aap bhee kahiye ghareebon men sharaafat kaisee Nek maadaam bahut jald wo daur aa.egaa Jab hamen ziist ke advaar parakhne honge Apnee zillat kee qasam aap kee azmat kee qasam Ham ko taazeem ke me.aar parakhne honge Ham ne har daur men tazleel sahee hai lekin Ham ne har daur ke chehre ko ziyaa bakhshee hai Ham ne har daur men mehnat ke sitam jhele hain Ham ne har daur ke haathon ko hinaa bakhshee hai Lekin in talkh mabaahis se bhalaa kya haasil Log kahte hain to phir Thiik hee kahte honge Mere ahbaab ne tahzeeb na seekhee hogee Main jahaan hoon vahaan insaan na rahte honge Vaj.h-e-be-rangee-e-gulzaar kahoon yaa na kahoon Kaun hai kitnaa gunahgaar kahoon yaa na kahoon Aap be-wajh pareshan si kyun hain madam Log kahte hain to phir Thik hi kahte honge Mere ahbab ne tahzib na sikhi hogi Mere mahaul mein insan na rahte honge Nur-e-sarmaya se hai ru-e-tamaddun ki jila Hum jahan hain wahan tahzib nahin pal sakti Muflisi hiss-e-latafat ko miTa deti hai Bhuk aadab ke sanchon mein nahin Dhal sakti Log kahte hain to logon pe tajjub kaisa Sach to kahte hain ki nadaron ki izzat kaisi Log kahte hain magar aap abhi tak chup hain Aap bhi kahiye gharibon mein sharafat kaisi Nek madam bahut jald wo daur aaega Jab hamein zist ke adwar parakhne honge Apni zillat ki qasam aap ki azmat ki qasam Hum ko tazim ke mear parakhne honge Hum ne har daur mein tazlil sahi hai lekin Hum ne har daur ke chehre ko ziya baKHshi hai Hum ne har daur mein mehnat ke sitam jhele hain Hum ne har daur ke hathon ko hina baKHshi hai Lekin in talKH mabahis se bhala kya hasil Log kahte hain to phir Thik hi kahte honge Mere ahbab ne tahzib na sikhi hogi Main jahan hun wahan insan na rahte honge Wajh-e-be-rangi-e-gulzar kahun ya na kahun Kaun hai kitna gunahgar kahun ya na kahun