main pal do pal kaa shaair hoon main pal do pal kaa shaair hoon pal do pal mirii kahaanii hai

Main pal do pal kaa shaa'ir hoon pal do pal miree kahaanee hai Pal do pal meree hastee hai pal do pal miree javaanee hai Mujh se pahle kitne shaa'ir aa.e aur aa kar chale ga.e Kuchh aahen bhar kar lauT ga.e kuch naghme gaa kar chale ga.e Vo bhee ik pal kaa qissa the main bhee ik pal kaa qissa hoon Kal tum se judaa ho jaa.oongaa go aaj tumhaaraa hissa hoon Pal do pal men kuch kah paayaa itnee hee sa'aadat kaafee hai Pal do pal tum ne mujh ko sunaa itnee hee 'inaayat kaafee hai Kal aur aa.enge naghmon kee khiltee kaliyaan chunne vaale Mujh se behtar kahne vaale tum se behtar sunne vaale Har nasl ik fasl hai dhartee kee aaj ugtee hai kal kaTtee hai Jeevan wo mahngee madiraa hai jo qatra qatra baTtee hai Saagar se ubhree lahar hoon main saagar men phir kho jaa.oongaa MiTTee kee ruuh kaa sapnaa hoon miTTee men phir so jaa.oongaa Kal koi mujh ko yaad kare kyuun koi mujh ko yaad kare Masroof zamaana mere liye kyuun waqt apna barbaad kare Main pal do pal ka sha'ir hun pal do pal meri kahani hai Pal do pal meri hasti hai pal do pal meri jawani hai Mujh se pahle kitne sha'ir aae aur aa kar chale gae Kuchh aahen bhar kar lauT gae kuch naghme ga kar chale gae Wo bhi ek pal ka qissa the main bhi ek pal ka qissa hun Kal tum se juda ho jaunga go aaj tumhaara hissa hun Pal do pal mein kuch kah paya itni hi sa'adat kafi hai Pal do pal tum ne mujh ko suna itni hi 'inayat kafi hai Kal aur aaenge naghmon ki khilti kaliyan chunne wale Mujh se behtar kahne wale tum se behtar sunne wale Har nasl ek fasl hai dharti ki aaj ugti hai kal kaTti hai Jiwan wo mahngi madira hai jo qatra qatra baTti hai Sagar se ubhri lahar hun main sagar mein phir kho jaunga MiTTi ki ruh ka sapna hun miTTi mein phir so jaunga Kal koi mujh ko yaad kare kyun koi mujh ko yaad kare Masruf zamana mere liye kyun waqt apna barbaad kare