mataa e gair mere khawabon ke jharokon ko sajaane vaalii

Mere khawabon ke jharokon ko sajaane vaalee Tere khawabon men kaheen meraa guzar hai ki nahin Poochh kar apnee nigaahon se bataa de mujh ko Meree raaton ke muqaddar men sahar hai ki nahin Chaar din kee ye rifaaqat jo rifaaqat bhee nahin Umr bhar ke liye aazaar huee jaatee hai Zindagee yuun to hamesha se pareshaan see thee Ab to har saans giraan-baar huee jaatee hai Meree ujDee huee neendon ke shabistaanon men Too kisee khvaab ke paikar kee tarah aa.ee hai Kabhee apnee see kabhi ghair nazar aa.ee hai Kabhee ikhlaas kee moorat kabhi harjaa.ee hai Pyaar par bas to nahin hai miraa lekin phir bhee Too bataa de ki tujhe pyaar karoon yaa na karoon Too ne khud apne tabassum se jagaayaa hai jinhen Un tamannaaon kaa iz.haar karoon yaa na karoon Too kisee aur ke daaman kee kalee hai lekin Meree raaten tiree khushboo se basee rahtee hain Too kaheen bhee ho tire phuul se aariz kee qasam Teree palken miree aankhon pe jhukee rahtee hain Tere haathon kee haraarat tire saanson kee mahak Tairtee rahtee hai ehsaas kee pahnaa.ee men DhoonDtee rahtee hain takh.eel kee baanhen tujh ko Sard raaton kee sulagtee huee tanhaa.ee men Teraa altaaf-o-karam ek haqeeqat hai magar Ye haqeeqat bhee haqeeqat men fasaana hee na ho Teree maanoos nigaahon kaa ye mohtaat payaam Dil ke Khoon karne kaa ek aur bahaana hee na ho Kaun jaane mire imroz kaa fardaa kya hai Qurbaten baDh ke pashemaan bhee ho jaatee hain Dil ke daaman se lipaTtee huee rangeen nazren Dekhte dekhte anjaan bhee ho jaatee hain Meree darmaanda javaanee kee tamannaaon ke Muzmahil khvaab kee taabeer bataa de mujh ko Tere daaman men gulistaan bhee hain veeraane bhee Meraa haasil meree taqdeer bataa de mujh ko Mere KHwabon ke jharokon ko sajaane wali Tere KHwabon mein kahin mera guzar hai ki nahin Puchh kar apni nigahon se bata de mujh ko Meri raaton ke muqaddar mein sahar hai ki nahin Chaar din ki ye rifaqat jo rifaqat bhi nahin Umr bhar ke liye aazar hui jati hai Zindagi yun to hamesha se pareshan si thi Ab to har sans giran-bar hui jati hai Meri ujDi hui nindon ke shabistanon mein Tu kisi KHwab ke paikar ki tarah aai hai Kabhi apni si kabhi ghair nazar aai hai Kabhi iKHlas ki murat kabhi harjai hai Pyar par bas to nahin hai mera lekin phir bhi Tu bata de ki tujhe pyar karun ya na karun Tu ne KHud apne tabassum se jagaya hai jinhen Un tamannaon ka izhaar karun ya na karun Tu kisi aur ke daman ki kali hai lekin Meri raaten teri KHushbu se basi rahti hain Tu kahin bhi ho tere phul se aariz ki qasam Teri palken meri aankhon pe jhuki rahti hain Tere hathon ki hararat tere sanson ki mahak Tairti rahti hai ehsas ki pahnai mein DhunDti rahti hain taKHil ki banhen tujh ko Sard raaton ki sulagti hui tanhai mein Tera altaf-o-karam ek haqiqat hai magar Ye haqiqat bhi haqiqat mein fasana hi na ho Teri manus nigahon ka ye mohtat payam Dil ke KHun karne ka ek aur bahana hi na ho Kaun jaane mere imroz ka farda kya hai Qurbaten baDh ke pasheman bhi ho jati hain Dil ke daman se lipaTti hui rangin nazren Dekhte dekhte anjaan bhi ho jati hain Meri darmanda jawani ki tamannaon ke Muzmahil KHwab ki tabir bata de mujh ko Tere daman mein gulistan bhi hain virane bhi Mera hasil meri taqdir bata de mujh ko