mujhe sochne de meri naakaam mohabbat ki kahaanii mat chhed

Meree naakaam mohabbat kee kahaanee mat chheD Apnee maayoos umangon kaa fasaana na sunaa Zindagee talkh sahee zahr sahee sam hee sahee Dard o aazaar sahee jabr sahee gham hee sahee Lekin is dard-o-gham o jabr kee vus.at ko to dekh Zulm kee Chaaon men dam toDtee khilqat ko to dekh Apnee maayoos umangon kaa fasaana na sunaa Meree naakaam mohabbat kee kahaanee mat chheD Jalsa-gaahon men ye dahshat-zada sahme amboh Rahguzaaron pe falaakat-zada logon ke giroh Bhuuk aur pyaas se pazh-murda siyah-faam zameen Teera-o-taar makaan muflis o beemaar makeen Nau-e-insaan men ye sarmaaya o mehnat kaa tazaad Amn o tahzeeb ke parcham tale qaumon kaa fasaad Har taraf aatish o aahan kaa ye sailaab-e-aazeem Nit-na.e tarz pe hotee huee dunya taqseem Lahlahaate hue kheton pe javaanee kaa samaan Aur dahqaan ke chhappar men na battee na dhuaan Ye falak-bos milen dilkash o seemeen baazaar Ye ghalaazat pe jhapaTte hue bhooke naadaar Duur saahil pe wo shaffaaf makaanon kee qataar Sarsaraate hue pardon men simaTte gulzaar Dar-o-deevaar pe anvaar kaa sailaab-e-ravaan Jaise ik shaa.er-e-mad.hosh ke khawabon kaa jahaan Ye sabhee kyuun hai ye kya hai mujhe kuch sochne de Kaun insaan kaa khuda hai mujhe kuch sochne de Apnee maayoos umangon kaa fasaana na sunaa Meree naakaam mohabbat kee kahaanee mat chheD Meri nakaam mohabbat ki kahani mat chheD Apni mayus umangon ka fasana na suna Zindagi talKH sahi zahr sahi sam hi sahi Dard o aazar sahi jabr sahi gham hi sahi Lekin is dard-o-gham o jabr ki wusat ko to dekh Zulm ki chhanw mein dam toDti KHilqat ko to dekh Apni mayus umangon ka fasana na suna Meri nakaam mohabbat ki kahani mat chheD Jalsa-gahon mein ye dahshat-zada sahme amboh Rahguzaron pe falakat-zada logon ke giroh Bhuk aur pyas se pazh-murda siyah-fam zamin Tira-o-tar makan muflis o bimar makin Nau-e-insan mein ye sarmaya o mehnat ka tazad Amn o tahzib ke parcham tale qaumon ka fasad Har taraf aatish o aahan ka ye sailab-e-azim Nit-nae tarz pe hoti hui duniya taqsim Lahlahate hue kheton pe jawani ka saman Aur dahqan ke chhappar mein na batti na dhuan Ye falak-bos milen dilkash o simin bazar Ye ghalazat pe jhapaTte hue bhuke nadar Dur sahil pe wo shaffaf makanon ki qatar Sarsaraate hue pardon mein simaTte gulzar Dar-o-diwar pe anwar ka sailab-e-rawan Jaise ek shaer-e-madhosh ke KHwabon ka jahan Ye sabhi kyun hai ye kya hai mujhe kuch sochne de Kaun insan ka KHuda hai mujhe kuch sochne de Apni mayus umangon ka fasana na suna Meri nakaam mohabbat ki kahani mat chheD