shikast

Apne siine se lagaa.e hue ummeed kee laash Muddaton ziist ko naashaad kiyaa hai main ne Too ne to ek hee sadme se kya tha do-chaar Dil ko har tarah se barbaad kiyaa hai main ne Jab bhee raahon men nazar aa.e hareeree malboos Sard aahon men tujhe yaad kiyaa hai main ne Aur ab jab ki miree ruuh kee pahnaa.ee men Ek sunsaan see maghmoom ghaTaa chhaa.ee hai Too damakte hue aariz kee shuaa.en le kar Gul-shuda sham.en jalaane ko chalee aa.ee hai Meree mahboob ye hangaama-e-tajdeed-e-wafa Meree afsurda javaanee ke liye raas nahin Main ne jo phuul chune the tire qadmon ke liye Un kaa dhundlaa saa tasavvur bhee mire paas nahin Ek yakh-basta udaasee hai dil o jaan pe muheet Ab miree ruuh men baaqee hai na umiid na josh Rah gaya dab ke giraan-baar salaasil ke tale Meree darmaanda javaanee kee umangon kaa kharosh Regzaaron men bagoolon ke sivaa kuch bhee nahin Saaya-e-abr-e-gurezaan se mujhe kya lenaa Bujh chuke hain mire siine men mohabbat ke kanval Ab tire husn-e-pasheemaan se mujhe kya lenaa Tere aariz pe ye Dhalke hue seemeen aansoo Meree afsurdagi-e-gham kaa mudaavaa to nahin Teree mahboob nigaahon kaa payaam-e-tajdeed Ik talaafee hee sahee meree tamannaa to nahin Apne sine se lagae hue ummid ki lash Muddaton zist ko nashad kiya hai main ne Tu ne to ek hi sadme se kya tha do-chaar Dil ko har tarah se barbaad kiya hai main ne Jab bhi rahon mein nazar aae hariri malbus Sard aahon mein tujhe yaad kiya hai main ne Aur ab jab ki meri ruh ki pahnai mein Ek sunsan si maghmum ghaTa chhai hai Tu damakte hue aariz ki shuaen le kar Gul-shuda shamen jalane ko chali aai hai Meri mahbub ye hangama-e-tajdid-e-wafa Meri afsurda jawani ke liye ras nahin Main ne jo phul chune the tere qadmon ke liye Un ka dhundla sa tasawwur bhi mere pas nahin Ek yaKH-basta udasi hai dil o jaan pe muhit Ab meri ruh mein baqi hai na umid na josh Rah gaya dab ke giran-bar salasil ke tale Meri darmanda jawani ki umangon ka KHarosh Regzaron mein bagulon ke siwa kuch bhi nahin Saya-e-abr-e-gurezan se mujhe kya lena Bujh chuke hain mere sine mein mohabbat ke kanwal Ab tere husn-e-pashiman se mujhe kya lena Tere aariz pe ye Dhalke hue simin aansu Meri afsurdagi-e-gham ka mudawa to nahin Teri mahbub nigahon ka payam-e-tajdid Ek talafi hi sahi meri tamanna to nahin