taaj mahal taaj tere liye ik mazhar e ulfat hi sahii

Taaj tere liye ik maz.har-e-ulfat hee sahee Tujh ko is vaadi-e-rangeen se aqeedat hee sahee Meree mahboob kaheen aur milaa kar mujh se Bazm-e-shaahee men ghareebon kaa guzar kya ma.anee Sabt jis raah men hon satvat-e-shaahee ke nishaan Us pe ulfat bharee roohon kaa safar kya ma.anee Meree mahboob pas-e-parda-e-tash.heer-e-wafa Too ne satvat ke nishaanon ko to dekhaa hota Murda-shaahon ke maqaabir se bahalne vaalee Apne taareek makaanon ko to dekhaa hota An-ginat logon ne dunya men mohabbat kee hai Kaun kahtaa hai ki saadiq na the jazbe un ke Lekin un ke liye tash.heer kaa saamaan nahin Kyoonki wo log bhee apnee hee tarah muflis the Ye imaaraat o maqaabir ye faseelen ye hisaar Mutlaq-ul-hukm shahanshaahon kee azmat ke sutoon Seena-e-dahr ke naasoor hain kohna naasoor Jazb hai un men tire aur mire ajdaad kaa Khoon Meree mahboob unhen bhee to mohabbat hogee Jin kee sannaa.ee ne bakhshee hai use shakl-e-jameel Un ke pyaaron ke maqaabir rahe benaam-o-numood Aaj tak un pe jalaa.ee na kisee ne qindeel Ye chaman-zaar ye jamunaa kaa kinaara ye mahal Ye munaqqash dar o deevaar ye mehraab ye taaq Ik shahanshaah ne daulat kaa sahaaraa le kar Ham ghareebon kee mohabbat kaa uDaayaa hai mazaaq Meree mahboob kaheen aur milaa kar mujh se Taj tere liye ek mazhar-e-ulfat hi sahi Tujh ko is wadi-e-rangin se aqidat hi sahi Meri mahbub kahin aur mila kar mujh se Bazm-e-shahi mein gharibon ka guzar kya mani Sabt jis rah mein hon satwat-e-shahi ke nishan Us pe ulfat bhari ruhon ka safar kya mani Meri mahbub pas-e-parda-e-tashhir-e-wafa Tu ne satwat ke nishanon ko to dekha hota Murda-shahon ke maqabir se bahalne wali Apne tarik makanon ko to dekha hota An-ginat logon ne duniya mein mohabbat ki hai Kaun kahta hai ki sadiq na the jazbe un ke Lekin un ke liye tashhir ka saman nahin Kyunki wo log bhi apni hi tarah muflis the Ye imaraat o maqabir ye fasilen ye hisar Mutlaq-ul-hukm shahanshahon ki azmat ke sutun Sina-e-dahr ke nasur hain kohna nasur Jazb hai un mein tere aur mere ajdad ka KHun Meri mahbub unhen bhi to mohabbat hogi Jin ki sannai ne baKHshi hai use shakl-e-jamil Un ke pyaron ke maqabir rahe benam-o-numud Aaj tak un pe jalai na kisi ne qindil Ye chaman-zar ye jamuna ka kinara ye mahal Ye munaqqash dar o diwar ye mehrab ye taq Ek shahanshah ne daulat ka sahaara le kar Hum gharibon ki mohabbat ka uDaya hai mazaq Meri mahbub kahin aur mila kar mujh se