tang aa chuke hain kashmakash e zindagii se ham

Tang aa chuke hain kashmakash-e-zindagee se ham Thukraa na den jahaan ko kaheen be-dilee se ham Maayoosee-e-ma.aal-e-mohabbat na poochhiye Apnon se pesh aa.e hain begaanagee se ham Lo aaj ham ne tod diyaa rishta-e-umeed Lo ab kabhi gila na karenge kisee se ham Ubhrenge ek baar abhee dil ke valvale Go dab ga.e hain baar-e-gham-e-zindagee se ham Gar zindagee men mil ga.e phir ittifaaq se Poochhenge apna haal tiree bebasee se ham Allaah-re fareb-e-mashiyyat ki aaj tak Duniyaa ke zulm sahte rahe khaamushee se ham Tang aa chuke hain kashmakash-e-zindagi se hum Thukra na den jahan ko kahin be-dili se hum Mayusi-e-maal-e-mohabbat na puchhiye Apnon se pesh aae hain beganagi se hum Lo aaj hum ne tod diya rishta-e-umid Lo ab kabhi gila na karenge kisi se hum Ubhrenge ek bar abhi dil ke walwale Go dab gae hain bar-e-gham-e-zindagi se hum Gar zindagi mein mil gae phir ittifaq se Puchhenge apna haal teri bebasi se hum Allah-re fareb-e-mashiyyat ki aaj tak Duniya ke zulm sahte rahe KHamushi se hum