tod lenge har ik shai se rishta tod dene ki naubat to aae

Tod lenge har ik shai se rishta tod dene kee naubat to aa.e Ham qayaamat ke khud muntazir hain par kisee din qayaamat to aa.e Ham bhee suqraat hain ahd-e-nau ke tishna-lab hee na mar jaa.en yaaro Zahr ho yaa mai-e-aatisheen ho koi jaam-e-shahaadat to aa.e Ek tahzeeb hai dostee kee ek meyaar hai dushmanee kaa Doston ne muravvat na seekhee dushmanon ko adaavat to aa.e Rind raste men aankhen bichhaa.en jo kahe bin sune maan jaa.en Naaseh-e-nek-teenat kisee shab soo-e-koo-e-malaamat to aa.e Ilm o tahzeeb taareekh o mantiq log sochenge in mas.alon par Zindagee ke mashaqqat-kade men koi ahd-e-faraaghat to aa.e Kaanp uTThen qasr-e-shaahee ke gumbad thartharaa.e zameen maabadon kee Koocha-gardon kee vahshat to jaage gham-zadon ko baghaavat to aa.e ToD lenge har ek shai se rishta tod dene ki naubat to aae Hum qayamat ke KHud muntazir hain par kisi din qayamat to aae Hum bhi suqraat hain ahd-e-nau ke tishna-lab hi na mar jaen yaro Zahr ho ya mai-e-atishin ho koi jam-e-shahadat to aae Ek tahzib hai dosti ki ek meyar hai dushmani ka Doston ne murawwat na sikhi dushmanon ko adawat to aae Rind raste mein aankhen bichhaen jo kahe bin sune man jaen Naseh-e-nek-tinat kisi shab su-e-ku-e-malamat to aae Ilm o tahzib tariKH o mantiq log sochenge in masalon par Zindagi ke mashaqqat-kade mein koi ahd-e-faraghat to aae Kanp uTThen qasr-e-shahi ke gumbad thartharae zamin mabadon ki Kucha-gardon ki wahshat to jage gham-zadon ko baghawat to aae