wo subh kabhi to aaegii 1

1 Vo sub.h kabhi to aa.egee In kaalee sadiyon ke sar se jab raat kaa aanchal Dhalkegaa Jab dukh ke baadal pighlenge jab sukh kaa saagar chhalkegaa Jab ambar jhuum ke naachegaa jab dhartee naghme gaa.egee Vo sub.h kabhi to aa.egee Jis sub.h kee khaatir jug jug se ham sab mar mar kar jiite hain Jis sub.h ke amrit kee dhun men ham zahr ke pyaale piite hain In bhookee pyaasee roohon par ik din to karam farmaa.egee Vo sub.h kabhi to aa.egee Maanaa ki abhee tere mere armaanon kee qeemat kuch bhee nahin MiTTee kaa bhee hai kuch mol magar insaanon kee qeemat kuch bhee nahin Insaanon kee izzat jab jhooTe sikkon men na taulee jaa.egee Vo sub.h kabhi to aa.egee Daulat ke liye jab aurat kee ismat ko na bechaa jaa.egaa Chaahat ko na kuchlaa jaa.egaa ghairat ko na bechaa jaa.egaa Apne kaale kartooton par jab ye dunya sharmaa.egee Vo sub.h kabhi to aa.egee Beetenge kabhi to din aakhir ye bhuuk ke aur bekaaree ke TooTenge kabhi to but aakhir daulat kee ijaara-daaree ke Jab ek anokhee dunya kee buniyaad uThaa.ee jaa.egee Vo sub.h kabhi to aa.egee Majboor buDhaapaa jab suunee raahon kee dhuul na phaankegaa Ma.asoom laDakpan jab gandee galiyon men bhiik na maangegaa Haq maangne vaalon ko jis din suulee na dikhaa.ee jaa.egee Vo sub.h kabhi to aa.egee Faaqon kee chitaaon par jis din insaan na jalaa.e jaa.enge Seenon ke dahakte dozakh men armaan na jalaa.e jaa.enge Ye narak se bhee gandee dunya jab sovarg banaa.ee jaa.egee Vo sub.h kabhi to aa.egee 2 Vo sub.h hameen se aa.egee Jab dhartee karvaT badlegee jab qaid se qaidee chhooTenge Jab paap gharaunde phooTenge jab zulm ke bandhan TooTenge Us sub.h ko ham hee laa.enge wo sub.h hameen se aa.egee Vo sub.h hameen se aa.egee Manhoos samaajee Dhaanchon men jab zulm na paale jaa.enge Jab haath na kaaTe jaa.enge jab sar na uchhaale jaa.enge Jailon ke binaa jab dunya kee sarkaar chalaa.ee jaa.egee Vo sub.h hameen se aa.egee Sansaar ke saare mehnat-kash kheton se milon se niklenge Be-ghar be-dar be-bas insaan taareek bilon se niklenge Duniyaa amn aur khush-haalee ke phoolon se sajaa.ee jaa.egee Vo sub.h hameen se aa.egee 1 Wo subh kabhi to aaegi In kali sadiyon ke sar se jab raat ka aanchal Dhalkega Jab dukh ke baadal pighlenge jab sukh ka sagar chhalkega Jab ambar jhum ke nachega jab dharti naghme gaegi Wo subh kabhi to aaegi Jis subh ki KHatir jug jug se hum sab mar mar kar jite hain Jis subh ke amrit ki dhun mein hum zahr ke pyale pite hain In bhuki pyasi ruhon par ek din to karam farmaegi Wo subh kabhi to aaegi Mana ki abhi tere mere armanon ki qimat kuch bhi nahin MiTTi ka bhi hai kuch mol magar insanon ki qimat kuch bhi nahin Insanon ki izzat jab jhuTe sikkon mein na tauli jaegi Wo subh kabhi to aaegi Daulat ke liye jab aurat ki ismat ko na becha jaega Chahat ko na kuchla jaega ghairat ko na becha jaega Apne kale kartuton par jab ye duniya sharmaegi Wo subh kabhi to aaegi Bitenge kabhi to din aaKHir ye bhuk ke aur bekari ke TuTenge kabhi to but aaKHir daulat ki ijara-dari ke Jab ek anokhi duniya ki buniyaad uThai jaegi Wo subh kabhi to aaegi Majbur buDhapa jab suni rahon ki dhul na phankega Masum laDakpan jab gandi galiyon mein bhik na mangega Haq mangne walon ko jis din suli na dikhai jaegi Wo subh kabhi to aaegi Faqon ki chitaon par jis din insan na jalae jaenge Sinon ke dahakte dozaKH mein arman na jalae jaenge Ye narak se bhi gandi duniya jab sowarg banai jaegi Wo subh kabhi to aaegi 2 Wo subh hamin se aaegi Jab dharti karwaT badlegi jab qaid se qaidi chhuTenge Jab pap gharaunde phuTenge jab zulm ke bandhan TuTenge Us subh ko hum hi laenge wo subh hamin se aaegi Wo subh hamin se aaegi Manhus samaji Dhanchon mein jab zulm na pale jaenge Jab hath na kaTe jaenge jab sar na uchhaale jaenge Jailon ke bina jab duniya ki sarkar chalai jaegi Wo subh hamin se aaegi Sansar ke sare mehnat-kash kheton se milon se niklenge Be-ghar be-dar be-bas insan tarik bilon se niklenge Duniya amn aur KHush-haali ke phulon se sajai jaegi Wo subh hamin se aaegi