yaksuuii

Ahd-e-gum-gashta kee tasveer dikhaatee kyuun ho Ek aavaara-e-manzil ko sataatee kyuun ho Vo haseen ahd jo sharminda-e-eefaa na huaa Us haseen ahd kaa mafhoom jataatee kyuun ho Zindagee sho.ala-e-be-baak banaa lo apnee Khud ko khaakistar-e-khaamosh banaatee kyuun ho Main tasavvuf ke maraahil kaa nahin hoon qaa.il Meree tasveer pe tum phuul chaDaatee kyuun ho Kaun kahtaa hai ki aa.hen hain masaa.ib kaa ilaaj Jaan ko apnee abas rog lagaatee kyuun ho Ek sarkash se mohabbat kee tamannaa rakh kar Khud ko aa.iin ke phandon men phansaatee kyuun ho Main samajhtaa hoon taqaddus ko tamaddun kaa fareb Tum rusoomaat ko eemaan banaatee kyuun ho Jab tumhen mujh se ziyaada hai zamaane kaa khayaal Phir miree yaad men yuun ashk bahaatee kyuun ho Tum men himmat hai to dunya se baghaavat kar do Varna maan baap jahaan kahte hain shaadee kar lo Ahd-e-gum-gashta ki taswir dikhati kyun ho Ek aawara-e-manzil ko satati kyun ho Wo hasin ahd jo sharminda-e-ifa na hua Us hasin ahd ka mafhum jatati kyun ho Zindagi shoala-e-be-bak bana lo apni KHud ko KHakistar-e-KHamosh banati kyun ho Main tasawwuf ke marahil ka nahin hun qail Meri taswir pe tum phul chaDati kyun ho Kaun kahta hai ki aahen hain masaib ka ilaj Jaan ko apni abas rog lagati kyun ho Ek sarkash se mohabbat ki tamanna rakh kar KHud ko aain ke phandon mein phansati kyun ho Main samajhta hun taqaddus ko tamaddun ka fareb Tum rusumat ko iman banati kyun ho Jab tumhein mujh se ziyaada hai zamane ka KHayal Phir meri yaad mein yun ashk bahati kyun ho Tum mein himmat hai to duniya se baghawat kar do Warna man bap jahan kahte hain shadi kar lo