aao kamre se nikalte hain aao kamre se nikalte hain kahiin chalte hain

Aao kamre se nikalte hain kaheen chalte hain Rauzan-e-habs men Thahree huee zindaan kee havaa Paa-ba-zanjeer kiye jaatee hai Har taraf khauf bharee aankhon men Ek talvaar see lahraatee hai Koee dar baaz nahin Zer-e-lab bhee koi awaaz nahin Aisaa andesha-e-kam-yaabee-e-harf Kuchh bhee to yaad nahin Ham koi baat saleeqe se nahin kahte the Is pe bhee shokhee-e-guftaar kaa aalam ye tha Ek pal chup bhee nahin rahte the Aao kamre se nikalte hain kaheen chalte hain Duur peDon se ulajhtee huee khvaabeeda havaa kaa daaman Chupke se kheenchte hain Aao kaheen baiThte hain Ham vahee aab-o-havaa bhee hai vahee Asar-e-aab-o-havaa koi nahin Saans lene kee sazaa bhee hai vahee Aur phir aisi sazaa koi nahin Tesha-e-jabr se Takraa.e hue haathon men Naama-e-ahd-e-wafa bhee hai vahee Is men bhee boo-e-wafa koi nahin Aur agar hai To pataa koi nahin Aao phir aisa karen Dil men jo kuch bhee hai tahreer karen paanee par Yaa phir ik duuje kee peshaanee par Aab aur aag ke is khel men maaloom nahin Kaun hai kis kee nigahbaanee par Phir bhee mahsoos to hota hai hamen Koee maamoor hai nigaraanee par Koee awaaz Koee harf-e-sadaa Zer-e-lab koi duaa Yaa koi cheekh ki sannaaTe kee deevaar gire Aur lagaataar gire Aao kamre se nikalte hain kaheen chalte hain Ham jo hairaanee se ik doosre ko takte hain Aao kamre se nikalte hain kahin chalte hain Rauzan-e-habs mein Thahri hui zindan ki hawa Pa-ba-zanjir kiye jati hai Har taraf KHauf bhari aankhon mein Ek talwar si lahraati hai Koi dar baz nahin Zer-e-lab bhi koi aawaz nahin Aisa andesha-e-kam-yabi-e-harf Kuchh bhi to yaad nahin Hum koi baat saliqe se nahin kahte the Is pe bhi shoKHi-e-guftar ka aalam ye tha Ek pal chup bhi nahin rahte the Aao kamre se nikalte hain kahin chalte hain Dur peDon se ulajhti hui KHwabida hawa ka daman Chupke se khinchte hain Aao kahin baiThte hain Hum wahi aab-o-hawa bhi hai wahi Asar-e-ab-o-hawa koi nahin Sans lene ki saza bhi hai wahi Aur phir aisi saza koi nahin Tesha-e-jabr se Takrae hue hathon mein Nama-e-ahd-e-wafa bhi hai wahi Is mein bhi bu-e-wafa koi nahin Aur agar hai To pata koi nahin Aao phir aisa karen Dil mein jo kuch bhi hai tahrir karen pani par Ya phir ek duje ki peshani par Aab aur aag ke is khel mein malum nahin Kaun hai kis ki nigahbani par Phir bhi mahsus to hota hai hamein Koi mamur hai nigarani par Koi aawaz Koi harf-e-sada Zer-e-lab koi dua Ya koi chiKH ki sannaTe ki diwar gire Aur lagatar gire Aao kamre se nikalte hain kahin chalte hain Hum jo hairani se ek dusre ko takte hain