ab faisla karne ki ijaazat dii jaae

Ab faisla karne kee ijaazat dee jaa.e Yaa phir hamen manzil kee bashaarat dee jaa.e Deevaane hain ham jhuuT bahut bolte hain Ham ko sar-e-baazaar ye izzat dee jaa.e Phir gard-e-mah-o-saal men aT jaa.enge Aa.eena banaayaa hai to soorat dee jaa.e Israar hee karte ho to apna samjho Denaa hee agar hai to mohabbat dee jaa.e Vo jis ne mujhe qatl pe uksaayaa thaa Us shakhs se milne kee bhee mohlat dee jaa.e Jab meree gavaahee bhee mire haq men nahin Phir shahr men kis kis kee shahaadat dee jaa.e Ham jaagte rehne ke bahut aadee hain Ham ko shab-e-hijraan kee masaafat dee jaa.e ChhiD jaa.e to tabqaat kee ab jang 'saleem' Kuchh bhee ho magar ham ko na zahmat dee jaa.e Ab faisla karne ki ijazat di jae Ya phir hamein manzil ki bashaarat di jae Diwane hain hum jhuT bahut bolte hain Hum ko sar-e-bazar ye izzat di jae Phir gard-e-mah-o-sal mein aT jaenge Aaina banaya hai to surat di jae Israr hi karte ho to apna samjho Dena hi agar hai to mohabbat di jae Wo jis ne mujhe qatl pe uksaya tha Us shaKHs se milne ki bhi mohlat di jae Jab meri gawahi bhi mere haq mein nahin Phir shahr mein kis kis ki shahadat di jae Hum jagte rehne ke bahut aadi hain Hum ko shab-e-hijran ki masafat di jae ChhiD jae to tabqat ki ab jang 'salim' Kuchh bhi ho magar hum ko na zahmat di jae