Abhi jo gardish e ayyaam se milaa hoon main

Abhee jo gardish-e-ayyaam se milaa hoon main Samajh rahi thee kisee kaam se milaa hoon main Shikast-e-shab tiree taqreeb se zaraa pahle Diye jalaatee huee shaam se milaa hoon main Ajal se pahle bhee miltaa raha hoon par ab ke BaDe sukoon baDe aaraam se milaa hoon main Tiree qabaa kee mahak har taraf numaayaan thee Havaa-e-vaadee-e-gul-faam se milaa hoon main Main jaantaa hoon makeenon kee khaamushee kaa sabab Makaan se pahle dar-o-baam se milaa hoon main 'saleem' naam bataayaa thaa ghaaliban us ne Kal ek shaa.er-e-gum-naam se milaa hoon main Abhi jo gardish-e-ayyam se mila hun main Samajh rahi thi kisi kaam se mila hun main Shikast-e-shab teri taqrib se zara pahle Diye jalati hui sham se mila hun main Ajal se pahle bhi milta raha hun par ab ke BaDe sukun baDe aaram se mila hun main Teri qaba ki mahak har taraf numayan thi Hawa-e-wadi-e-gul-fam se mila hun main Main jaanta hun makinon ki KHamushi ka sabab Makan se pahle dar-o-baam se mila hun main 'salim' nam bataya tha ghaaliban us ne Kal ek shaer-e-gum-nam se mila hun main