achchhaa hai isii suurat e haalaat men rahnaa

Achchhaa hai isee soorat-e-haalaat men rahnaa Din shahr men aur raat mazaafaat men rahnaa Har raat sitaaron ko zameen par liye phirnaa Har sub.h kaheen hamd-o-munaajaat men rahnaa Is bhiiD men gard-e-dar-o-deevaar hai itnee Mumkin hee nahin haath kisee haat men rahnaa Us shakhs kee chaahat bhee ajab hai ki hamesha Khaatir men na laanaa to mudaaraat men rahnaa Ye shahr samundar ke kinaare pa hai aabaad Is shahr men rahnaa bhee to auqaat men rahnaa Ham ahl-e-tareeqat kee yahee rasm rahi hai Zindaan men yaa halqa-e-saadaat men rahnaa Dikhnaa to 'saleem' apne ravayye hee pe dikhnaa Khush rahnaa to apnee hee kisee baat men rahnaa Achchha hai isi surat-e-haalat mein rahna Din shahr mein aur raat mazafat mein rahna Har raat sitaron ko zamin par liye phirna Har subh kahin hamd-o-munajat mein rahna Is bhiD mein gard-e-dar-o-diwar hai itni Mumkin hi nahin hath kisi hat mein rahna Us shaKHs ki chahat bhi ajab hai ki hamesha KHatir mein na lana to mudaraat mein rahna Ye shahr samundar ke kinare pa hai aabaad Is shahr mein rahna bhi to auqat mein rahna Hum ahl-e-tariqat ki yahi rasm rahi hai Zindan mein ya halqa-e-sadat mein rahna Dikhna to 'salim' apne rawayye hi pe dikhna KHush rahna to apni hi kisi baat mein rahna