ai shab e hijr ab mujhe subh e visaal chaahiye
— Saleem Kausar
Ai shab-e-hijr ab mujhe sub.h-e-visaal chaahiye
Taaza ghazal ke vaaste taaza khayaal chaahiye
Ai mire chaara-gar tire bas men nahin mo.aamla
Soorat-e-haal ke liye vaaqif-e-haal chaahiye
Ahl-e-khirad ko aaj bhee apne yaqeen ke liye
Jis kee misaal hee nahin us kee misaal chaahiye
Us kee rafaaqaton kaa hijr jheliye kab talak 'saleem'
Apnee tarah se ab mujhe wo bhee niDhaal chaahiye
Ai shab-e-hijr ab mujhe subh-e-visal chahiye
Taza ghazal ke waste taza KHayal chahiye
Ai mere chaara-gar tere bas mein nahin moamla
Surat-e-haal ke liye waqif-e-haal chahiye
Ahl-e-KHirad ko aaj bhi apne yaqin ke liye
Jis ki misal hi nahin us ki misal chahiye
Us ki rafaqaton ka hijr jheliye kab talak 'salim'
Apni tarah se ab mujhe wo bhi niDhaal chahiye