ajnabii hairaan mat honaa ki dar khultaa nahin

Ajnabee hairaan mat honaa ki dar khultaa naheen Jo yahaan aabaad hain un par bhee ghar khultaa naheen Raaste kab gard ho jaate hain aur manzil saraab Har musaafir par tilism-e-rahguzar khultaa naheen Dekhne vaale taghaaful kaar-farmaa hai abhee Vo dareecha khul gaya husn-e-nazar khultaa naheen Jaane kyuun teree taraf se dil ko dhaDkaa hee raha Is takalluf se to koee naama-bar khultaa naheen Intizaar aur dastakon ke darmiyaan kaTtee hai umr Itnee aasaanee se to baab-e-hunar khultaa naheen Ham bhee us ke saath gardish men hain barson se 'saleem' Jo sitaara saath rahtaa hai magar khultaa naheen Ajnabi hairan mat hona ki dar khulta nahin Jo yahan aabaad hain un par bhi ghar khulta nahin Raste kab gard ho jate hain aur manzil sarab Har musafir par tilism-e-rahguzar khulta nahin Dekhne wale taghaful kar-farma hai abhi Wo daricha khul gaya husn-e-nazar khulta nahin Jaane kyun teri taraf se dil ko dhaDka hi raha Is takalluf se to koi nama-bar khulta nahin Intizar aur dastakon ke darmiyan kaTti hai umr Itni aasani se to bab-e-hunar khulta nahin Hum bhi us ke sath gardish mein hain barson se 'salim' Jo sitara sath rehta hai magar khulta nahin