badal gaya hai sabhii kuch us ek saaat men

Badal gaya hai sabhee kuch us ek saa.at men Zaraa see der hamen ho ga.ee thee ujlat men Mohabbat apne liye jin ko muntakhab kar le Vo log mar ke bhee marte nahin mohabbat men Main jaantaa hoon ki mausam kharaab hai phir bhee Koee to saath hai is dukh-bharee masaafat men Use kisee ne kabhi bolte nahin dekhaa Jo shakhs chup nahin rahtaa miree himaayat men Badan se phuuT paDaa hai tamaam umr kaa hijr Ajiib haal huaa hai tiree rifaaqat men Mujhe sanbhaalne men itnee ehtiyaat na kar Bikhar na jaaon kaheen main tiree hifaazat men Yahaan pe log hain mahroomiyon ke maare hue Kisee se kuch nahin kahnaa yahaan muravvat men Badal gaya hai sabhi kuch us ek saat mein Zara si der hamein ho gai thi ujlat mein Mohabbat apne liye jin ko muntaKHab kar le Wo log mar ke bhi marte nahin mohabbat mein Main jaanta hun ki mausam KHarab hai phir bhi Koi to sath hai is dukh-bhari masafat mein Use kisi ne kabhi bolte nahin dekha Jo shaKHs chup nahin rehta meri himayat mein Badan se phuT paDa hai tamam umr ka hijr Ajib haal hua hai teri rifaqat mein Mujhe sanbhaalne mein itni ehtiyat na kar Bikhar na jaun kahin main teri hifazat mein Yahan pe log hain mahrumiyon ke mare hue Kisi se kuch nahin kahna yahan murawwat mein