charaag e yaad ki lau ham safar kahaan tak hai

Charaagh-e-yaad kee lau ham-safar kahaan tak hai Ye raushnee miree dahleez par kahaan tak hai Bas ek tum the ki jo dil kaa haal jaante the So ab tumhen bhee hamaaree khabar kahaan tak hai Musaafiraan-e-junoon gard ho ga.e lekin Khulaa nahin ki tiree rahguzar kahaan tak hai Har ek lamha badaltee huee kahaanee men Hikaayat-e-gham-e-dil mo'tabar kahaan tak hai Zameen kee aakhiree had par pahunch ke sochtaa hoon Yahaan se mausam-e-deevaar-o-dar kahaan tak hai BichhaDne vaalon ko andaaza hee nahin hota Too ham-safar hai magar ham-safar kahaan tak hai Ajiib log hain aazaadiyon ke maare hue Qafas men poochhte phirte hain ghar kahaan tak hai Charagh-e-yaad ki lau ham-safar kahan tak hai Ye raushni meri dahliz par kahan tak hai Bas ek tum the ki jo dil ka haal jaante the So ab tumhein bhi hamari KHabar kahan tak hai Musafiran-e-junun gard ho gae lekin Khula nahin ki teri rahguzar kahan tak hai Har ek lamha badalti hui kahani mein Hikayat-e-gham-e-dil mo'tabar kahan tak hai Zamin ki aaKHiri had par pahunch ke sochta hun Yahan se mausam-e-diwar-o-dar kahan tak hai BichhaDne walon ko andaza hi nahin hota Tu ham-safar hai magar ham-safar kahan tak hai Ajib log hain aazadiyon ke mare hue Qafas mein puchhte phirte hain ghar kahan tak hai