chashm be khvaab huii shahr ki viiraanii se
— Saleem Kausar
Chashm be-khvaab huee shahr kee veeraanee se
Dil utartaa hee nahin takht-e-sulaimaanee se
Pahle to raat hee kaaTe se nahin kaTtee thee
Aur ab din bhee guzartaa nahin aasaanee se
Ham ne ik doosre ke aks ko jab qatl kiyaa
Aa.eena dekh raha tha hamen hairaanee se
Ab ke hai lab-e-aab hee mar jaa.enge
Pyaas aisi hai ki bujhtee hee nahin paanee se
Aankh pahchaantee hai looTne vaalon ko magar
Kaun poochhegaa miree be-sar-o-saamaanee se
Yoonhee dushman nahin dar aayaa mire aangan men
Dhuup ko raah milee peD kee uryaanee se
Koee bhee chiiz salaamat na rahe ghar men 'saleem'
Faa.eda kya hai bhalaa aisi nigahbaanee se
Chashm be-KHwab hui shahr ki virani se
Dil utarta hi nahin taKHt-e-sulaimani se
Pahle to raat hi kaTe se nahin kaTti thi
Aur ab din bhi guzarta nahin aasani se
Hum ne ek dusre ke aks ko jab qatl kiya
Aaina dekh raha tha hamein hairani se
Ab ke hai lab-e-ab hi mar jaenge
Pyas aisi hai ki bujhti hi nahin pani se
Aankh pahchanti hai luTne walon ko magar
Kaun puchhega meri be-sar-o-samani se
Yunhi dushman nahin dar aaya mere aangan mein
Dhup ko rah mili peD ki uryani se
Koi bhi chiz salamat na rahe ghar mein 'salim'
Faeda kya hai bhala aisi nigahbani se