dast e duaa ko kaasa e saail samajhte ho

Dast-e-duaa ko kaasa-e-saa.il samajhte ho Tum dost ho to kyuun nahin mushkil samajhte ho Siine pe haath rakh ke bataao mujhe ki tum Jo Kuch dhaDak raha hai use dil samajhte ho Har shai ko tum ne farz kiyaa aur is ke ba.ad Saa.e ko apna madd-e-muqaabil samajhte ho Dariyaa tumhen saraab dikhaa.ee diyaa aur ab Gard-o-gubaar-e-raah ko manzil samajhte ho Khush-fahmiyon kee had hai ki paanee men ret par Jo bhee jagah mile use saahil samajhte ho Tanhaa.ee jalva-gaah-e-tahayyur hai aur tum Veeraaniyon ke raqs ko mahfil samajhte ho Jis ne tumhaaree niind pe pahre biThaa diye Apnee taraf se tum use ghaafil samajhte ho Dast-e-dua ko kasa-e-sail samajhte ho Tum dost ho to kyun nahin mushkil samajhte ho Sine pe hath rakh ke batao mujhe ki tum Jo Kuch dhaDak raha hai use dil samajhte ho Har shai ko tum ne farz kiya aur is ke baad Sae ko apna madd-e-muqabil samajhte ho Dariya tumhein sarab dikhai diya aur ab Gard-o-gubar-e-rah ko manzil samajhte ho KHush-fahmiyon ki had hai ki pani mein ret par Jo bhi jagah mile use sahil samajhte ho Tanhai jalwa-gah-e-tahayyur hai aur tum Viraniyon ke raqs ko mahfil samajhte ho Jis ne tumhaari nind pe pahre biTha diye Apni taraf se tum use ghafil samajhte ho