dil e siimaab sifat phir tujhe zahmat duungaa

Dil-e-seemaab-sifat phir tujhe zahmat doongaa Door-uftaada zameenon kee masaafat doongaa Apne atraaf nayaa shahr basaa.oongaa kabhi Aur ik shakhs ko phir us kee hukoomat doongaa Ik diyaa niind kee aaghosh men jaltaa hai kaheen Silsila khvaab kaa TuuTe to bashaarat doongaa Qissa-e-sood-o-ziyaan vaqf-e-mudaaraat huaa Phir kisee roz mulaaqaat kee zahmat doongaa Main ne jo likh diyaa wo khud hai gavaahee apnee Jo nahin likkhaa abhee us kee bashaarat doongaa Ek safha kaheen taareekh men khaalee hai abhee Aakhiree jang se pahle tumhen mohlat doongaa Dil-e-simab-sifat phir tujhe zahmat dunga Dur-uftada zaminon ki masafat dunga Apne atraf naya shahr basaunga kabhi Aur ek shaKHs ko phir us ki hukumat dunga Ek diya nind ki aaghosh mein jalta hai kahin Silsila KHwab ka TuTe to bashaarat dunga Qissa-e-sud-o-ziyan waqf-e-mudaraat hua Phir kisi roz mulaqat ki zahmat dunga Main ne jo likh diya wo KHud hai gawahi apni Jo nahin likkha abhi us ki bashaarat dunga Ek safha kahin tariKH mein KHali hai abhi AaKHiri jang se pahle tumhein mohlat dunga