dil tujhe naaz hai jis shakhs ki dildaarii par

Dil tujhe naaz hai jis shakhs kee dildaaree par Dekh ab wo bhee utar aayaa adaakaaree par Main ne dushman ko jagaayaa to bahut thaa lekin Ehtijaajan nahin jaagaa miree bedaaree par Aadmee aadmee ko khaa.e chalaa jaataa hai Kuchh to tahqeeq karo is na.ee beemaaree par Kabhee is jurm pe sar kaaT diye jaate the Ab to in.aam diyaa jaataa hai ghaddaaree par Teree qurbat kaa nasha Toot raha hai mujh men Is qadar sahl na ho too miree dushvaaree par Mujh men yuun taaza mulaaqaat ke mausam jaage Aa.ina hansne lagaa hai miree tayyaaree par Koee dekhe bhare baazaar kee veeraanee ko Kuchh na Kuch muft hai har shai kee khareedaaree par Bas yahee vaqt hai sach munh se nikal jaane do Log utar aa.e hain zaalim kee taraf-daaree par Dil tujhe naz hai jis shaKHs ki dildari par Dekh ab wo bhi utar aaya adakari par Main ne dushman ko jagaya to bahut tha lekin Ehtijajan nahin jaga meri bedari par Aadmi aadmi ko khae chala jata hai Kuchh to tahqiq karo is nai bimari par Kabhi is jurm pe sar kaT diye jate the Ab to inam diya jata hai ghaddari par Teri qurbat ka nasha TuT raha hai mujh mein Is qadar sahl na ho tu meri dushwari par Mujh mein yun taza mulaqat ke mausam jage Aaina hansne laga hai meri tayyari par Koi dekhe bhare bazar ki virani ko Kuchh na Kuch muft hai har shai ki KHaridari par Bas yahi waqt hai sach munh se nikal jaane do Log utar aae hain zalim ki taraf-dari par