faraar tuute phuute vaadon se

TuuTe phooTe va.adon se Khush-fahmiyon kaa kashkol sajaa.e Mujh men rehne kee khaatir tum aa.e Is se pahle main darvaaza kholoon Kuchh boloon Afvaahon kee gard men lipTe zahr-aalood mohabbat-naame liye hue tum UdhDe hue rishton ke jaame siye hue tum Mujh men aan samaa.e Main rehne ke liye banaa hoon Jo aa.e mujh men rah jaa.e Mujhe sajaa.e Jitnaa pyaar kare utnaa sukh paa.e Tum se pahle bhee Kuch log yoonhee aa.e the Apne andar mujh men tabdeelee ke khvaab sajaa laa.e the Aur phir ik din Jis ne jo bhee ahd kya wo toD diyaa Jis ne jo bhee baat kahee wo radd kar dee Lekin tum ne to had kar dee Mere din veeraan hue hain Meree sub.h ke chehre par kitnee raaton ke zakhm lage hain Meree shaam udaas khaDee hai Mere ufuq par sooraj lahooluhaan paDaa hai Deevaaron se Khoon ristaa hai Darvaazon se meraa ik ik raaz ayaan hai Mere sahn men dushman kee saazish raqsaan hai Sunaa hai ab is haal men mujh ko chhoD ke tum jaane vaale ho Mere baahar baith ke meree yaad kaa gham khaane vaale ho Tum se aur ummeed bhee kya ho Tum bhee to Dunya vaale ho Jab tak ishq se ishq nahin miltaa tanhaa dukh sahnaa hai Ghar kee fikr to us ko hogee jis ko ghar men rahnaa hai TuTe phuTe wadon se KHush-fahmiyon ka kashkol sajae Mujh mein rehne ki KHatir tum aae Is se pahle main darwaza kholun Kuchh bolun Afwahon ki gard mein lipTe zahr-alud mohabbat-name liye hue tum UdhDe hue rishton ke jame siye hue tum Mujh mein aan samae Main rehne ke liye bana hun Jo aae mujh mein rah jae Mujhe sajae Jitna pyar kare utna sukh pae Tum se pahle bhi Kuch log yunhi aae the Apne andar mujh mein tabdili ke KHwab saja lae the Aur phir ek din Jis ne jo bhi ahd kya wo toD diya Jis ne jo bhi baat kahi wo radd kar di Lekin tum ne to had kar di Mere din viran hue hain Meri subh ke chehre par kitni raaton ke zaKHm lage hain Meri sham udas khaDi hai Mere ufuq par suraj lahuluhan paDa hai Diwaron se KHun rista hai Darwazon se mera ek ek raaz ayan hai Mere sahn mein dushman ki sazish raqsan hai Suna hai ab is haal mein mujh ko chhoD ke tum jaane wale ho Mere bahar baith ke meri yaad ka gham khane wale ho Tum se aur ummid bhi kya ho Tum bhi to duniya wale ho Jab tak ishq se ishq nahin milta tanha dukh sahna hai Ghar ki fikr to us ko hogi jis ko ghar mein rahna hai