ik ghadii vasl ki be vasl huii hai mujh men
— Saleem Kausar
Ik ghaDee vasl kee be-vasl huee hai mujh men
Kis ke aane kee khabar qatl huee hai mujh men
Saans lene se bhee bhartaa nahin siine kaa khalaa
Jaane kya shai hai jo be-dakhl huee hai mujh men
Jal uThe hain sar-e-mizhgaan tiree khushboo ke charaagh
Ab ke khawabon kee ajab fasl huee hai mujh men
Mujh se baahar to faqat shor hai tanhaa.ee kaa
Varna ye jang to dar-asl huee hai mujh men
Too ne dekhaa nahin ik shakhs ke jaane se 'saleem'
Is bhare shahr kee jo shakl huee hai mujh men
Ek ghaDi wasl ki be-wasl hui hai mujh mein
Kis ke aane ki KHabar qatl hui hai mujh mein
Sans lene se bhi bharta nahin sine ka KHala
Jaane kya shai hai jo be-daKHl hui hai mujh mein
Jal uThe hain sar-e-mizhgan teri KHushbu ke charagh
Ab ke KHwabon ki ajab fasl hui hai mujh mein
Mujh se bahar to faqat shor hai tanhai ka
Warna ye jang to dar-asl hui hai mujh mein
Tu ne dekha nahin ek shaKHs ke jaane se 'salim'
Is bhare shahr ki jo shakl hui hai mujh mein