ism e aab jo tuu tasviir kartaa hai

Jo too tasveer kartaa hai Jo main tahreer kartaa hoon Na teraa hai na meraa hai Magar apna hai ye jab tak Ise paDhne men kitnee der lagtee hai Abhee maahaul ko chaaron taraf se Habs ke sahraa ne gheraa hai Magar kab tak Havaa chalne men kitnee der lagtee hai Koee zanjeer hai shaayad hamaare paanv men Aur raah men kaafee andheraa hai Magar kab tak Diyaa jalne men kitnee der lagtee hai Havaa.en baadbaanon se ulajhtee aur kaheen naaqa-savaaron ko Koee paighaam detee shaam ke aanchal ko thaame Saahilon kee samt aatee hain Parinde daa.eron men Udhte phirte Abr kee chaadar men lipTe Rang barsaate Fazaaon men safar kee daastaan likhte Thikaanon kee taraf jaate hue Manzar ko apne aks men tabdeel karte hain Achaanak sar-phiree maujen Mujhe chhoo kar guzar jaatee hain Aur main apne talvon se nikaltee sansanaatee riit kee sargoshiyaan Mahsoos kartaa hoon Vahee main hoon vahee asbaab-e-vahshat hain vahee saahil Vahee too hai vahee hanstee huee aankhen Tiree aankhon men rangon aur khawabon ke jazeere Jagmagaate hain Sar-e-mizhgaan rupahlee saa.aton ke isti.aare muskuraate hain Hansee mahtaab bantee hai Phir is mahtaab ke chaaron taraf awaaz kaa haala ubhartaa hai Aur is haale men teree ungliyaan Naadeeda manzar ko tilism-e-khvaab se aazaad kartee hain Tire haathon kee jumbish Dhuup Chaaon se dhanak tarteeb de kar Khaalee tasveeron men khadd-o-khaal ko aabaad kartee hai Tiree palken jhapaktee hain Sitaare se sitaara aan miltaa hai Ki jaise shaam hote hee Subuk aasaar lahron men Kinaare se kinaara aan miltaa hai Ye jo Kuch hai Bahut hee khoobsoorat hai Magar us ke liye hai Jo ye sab mahsoos kartaa hai Tujhe maaloom bhee ho jaa.e to kya farq paDtaa hai Abhee din kaa thakaa haaraa musaafir dhoop ke kheme sameTe Duur paanee men utarne ke liye Be-taab hai dekho Ye niilaa aasmaan Apnee garaan khvaabee men khud gharqaab hai dekho Na jaane kyon Samundar dekhne vaalon ko Sooraj Doobne kaa khauf rahtaa hai Koee hai jis ko ism-e-aab aataa ho Kinaaron kee tarah har lamha kaT girtaa ho Zer-e-aab aataa ho Samundar aasmaan kee raahdaaree hai Magar is raahdaaree tak pahunchne kaa koi rasta BaDee mushkil se miltaa hai Ye ism-e-aab Saahil par khaDe nazzaara۔beenon kee samajh men kis tarah aa.e Ki ye to Doobne vaalon pe bhee Mushkil se khultaa hai Magar kab tak Ise khulne men kitnee der lagtee hai Jo tu taswir karta hai Jo main tahrir karta hun Na tera hai na mera hai Magar apna hai ye jab tak Ise paDhne mein kitni der lagti hai Abhi mahaul ko chaaron taraf se Habs ke sahra ne ghera hai Magar kab tak Hawa chalne mein kitni der lagti hai Koi zanjir hai shayad hamare panw mein Aur rah mein kafi andhera hai Magar kab tak Diya jalne mein kitni der lagti hai Hawaen baadbanon se ulajhti aur kahin naqa-sawaron ko Koi paigham deti sham ke aanchal ko thame Sahilon ki samt aati hain Parinde daeron mein Udhte phirte Abr ki chadar mein lipTe Rang barsate Fazaon mein safar ki dastan likhte Thikanon ki taraf jate hue Manzar ko apne aks mein tabdil karte hain Achanak sar-phiri maujen Mujhe chhu kar guzar jati hain Aur main apne talwon se nikalti sansanati rit ki sargoshiyan Mahsus karta hun Wahi main hun wahi asbab-e-wahshat hain wahi sahil Wahi tu hai wahi hansti hui aankhen Teri aankhon mein rangon aur KHwabon ke jazire Jagmagate hain Sar-e-mizhgan rupahli saaton ke istiare muskuraate hain Hansi mahtab banti hai Phir is mahtab ke chaaron taraf aawaz ka haala ubharta hai Aur is haale mein teri ungliyan Nadida manzar ko tilism-e-KHwab se aazad karti hain Tere hathon ki jumbish Dhup chhanw se dhanak tartib de kar KHali taswiron mein KHadd-o-KHal ko aabaad karti hai Teri palken jhapakti hain Sitare se sitara aan milta hai Ki jaise sham hote hi Subuk aasar lahron mein Kinare se kinara aan milta hai Ye jo Kuch hai Bahut hi KHubsurat hai Magar us ke liye hai Jo ye sab mahsus karta hai Tujhe malum bhi ho jae to kya farq paDta hai Abhi din ka thaka haara musafir dhup ke KHeme sameTe Dur pani mein utarne ke liye Be-tab hai dekho Ye nila aasman Apni garan KHwabi mein KHud gharqab hai dekho Na jaane kyon Samundar dekhne walon ko Suraj Dubne ka KHauf rehta hai Koi hai jis ko ism-e-ab aata ho Kinaron ki tarah har lamha kaT girta ho Zer-e-ab aata ho Samundar aasman ki rahdari hai Magar is rahdari tak pahunchne ka koi rasta BaDi mushkil se milta hai Ye ism-e-ab Sahil par khaDe nazzara۔binon ki samajh mein kis tarah aae Ki ye to Dubne walon pe bhi Mushkil se khulta hai Magar kab tak Ise khulne mein kitni der lagti hai