kabhi sitaare kabhi kahkashaan bulaataa hai

Kabhi sitaare kabhi kahkashaan bulaataa hai Hamen wo bazm men apnee kahaan bulaataa hai Na jaane kaun see uftaad aa paDee hai ki jo Ham ahl-e-'ishq ko kaar-e-jahaan bulaataa hai Ye kaisaa daam-e-rihaa.ee bichhaa diyaa us ne Zameen pakaDtee hai aur aasmaan bulaataa hai Galee galee men 'aqeedon bharee dukaanen hain Qadam qadam pe nayaa aastaan bulaataa hai BhaTak ga.e hain magar gum nahin hue hain kaheen Abhee hamen jaras-e-kaarvaan bulaataa hai Ye aag lagne se pahle kee baaz-gasht hai jo Bujhaane vaalon ko ab tak dhuaan bulaataa hai Umiid TooTne lagtee hai jab bhee koi 'saleem' To ik yaqeen pas-e-vahm-o-gumaan bulaataa hai Kabhi sitare kabhi kahkashan bulata hai Hamein wo bazm mein apni kahan bulata hai Na jaane kaun si uftad aa paDi hai ki jo Hum ahl-e-'ishq ko kar-e-jahan bulata hai Ye kaisa dam-e-rihai bichha diya us ne Zamin pakaDti hai aur aasman bulata hai Gali gali mein 'aqidon bhari dukanen hain Qadam qadam pe naya aastan bulata hai BhaTak gae hain magar gum nahin hue hain kahin Abhi hamein jaras-e-karwan bulata hai Ye aag lagne se pahle ki baz-gasht hai jo Bujhane walon ko ab tak dhuan bulata hai Umid TuTne lagti hai jab bhi koi 'salim' To ek yaqin pas-e-wahm-o-guman bulata hai