kahiin tum apnii qismat kaa likhaa tabdiil kar lete

Kaheen tum apnee qismat kaa likhaa tabdeel kar lete To shaayad ham bhee apna raasta tabdeel kar lete Agar ham vaaqa.ee kam-hausla hote mohabbat men Maraz baDhne se pahle hee davaa tabdeel kar lete Tumhaare saath chalne par jo dil raazee nahin hota Bahut pahle ham apna faisla tabdeel kar lete Tumhen in mausamon kee kya khabar miltee agar ham bhee GhuTan ke khauf se aab o havaa tabdeel kar lete Tumhaaree tarah jiine kaa hunar aataa to phir shaayad Makaan apna vahee rakhte pataa tabdeel kar lete Vahee kirdaar hain taaza kahaanee men jo pahle bhee Kabhee chehra kabhi apnee qabaa tabdeel kar lete Judaa.ee bhee na hotee zindagee bhee sahl ho jaatee Jo ham ik doosre se mas.ala tabdeel kar lete Hamesha kee tarah is baar bhee ham bol uThe varna Gavaahee dene vaale vaaqi.a tabdeel kar lete Bahut dhundlaa gaya yaadon kee rim-jhim men dil-e-saada Vo mil jaataa to ham ye aa.eena tabdeel kar lete Kahin tum apni qismat ka likha tabdil kar lete To shayad hum bhi apna rasta tabdil kar lete Agar hum waqai kam-hausla hote mohabbat mein Maraz baDhne se pahle hi dawa tabdil kar lete Tumhaare sath chalne par jo dil raazi nahin hota Bahut pahle hum apna faisla tabdil kar lete Tumhein in mausamon ki kya KHabar milti agar hum bhi GhuTan ke KHauf se aab o hawa tabdil kar lete Tumhaari tarah jine ka hunar aata to phir shayad Makan apna wahi rakhte pata tabdil kar lete Wahi kirdar hain taza kahani mein jo pahle bhi Kabhi chehra kabhi apni qaba tabdil kar lete Judai bhi na hoti zindagi bhi sahl ho jati Jo hum ek dusre se masala tabdil kar lete Hamesha ki tarah is bar bhi hum bol uThe warna Gawahi dene wale waqia tabdil kar lete Bahut dhundla gaya yaadon ki rim-jhim mein dil-e-sada Wo mil jata to hum ye aaina tabdil kar lete