kis ki tahviil men the kis ke havaale hue log

Kis kee tahveel men the kis ke havaale hue log Chashm-e-girya men rahe dil se nikaale hue log Kab se raahon men tiree gard bane baiThe hain Tujh se milne ke liye vaqt ko Taale hue log Kaheen aankhon se chhalakne nahin dete tujh ko Kaise phirte hain tire khvaab sambhaale hue log Daaman-e-sub.h men girte hue taaron kee tarah Jal rahe hain tiree qurbat ke ujaale hue log Yaa tujhe rakhte hain yaa phir tiree khwaish dil men Aise Dunya men kahaan chaahne vaale hue log Kis ki tahwil mein the kis ke hawale hue log Chashm-e-girya mein rahe dil se nikale hue log Kab se rahon mein teri gard bane baiThe hain Tujh se milne ke liye waqt ko Tale hue log Kahin aankhon se chhalakne nahin dete tujh ko Kaise phirte hain tere KHwab sambhaale hue log Daman-e-subh mein girte hue taron ki tarah Jal rahe hain teri qurbat ke ujale hue log Ya tujhe rakhte hain ya phir teri KHwahish dil mein Aise duniya mein kahan chahne wale hue log