koi yaad hi rakht e safar thahre koi raahguzar anjaanii ho

Koi yaad hee rakht-e-safar Thahre koi raahguzar anjaanee ho Jab tak miree umr javaan rahe aur ye tasveer puraanee ho Koee naav kaheen manjdhaar men Duube chaand se uljhe aur udhar Maujon kee vahee halqa-bandee Dariya kee vahee tughyaanee ho Isee raat aur din ke mele men tiraa haath chhuTe mire haathon se Tire saath tiree tanhaa.ee ho mire saath miree veeraanee ho Yuun khaana-e-dil men ik khushboo aabaad hai aur lau detee hai Jo baad-e-shimaal ke pahre men koi tanhaa raat kee raanee ho Kyaa DhoonDte hain kya kho baiThe kis ujlat men hain log yahaan Sar-e-raah Kuch aise milte hain jaise koi rasm nibhaanee ho Ham kab tak apne haathon se khud apne liye deevaar chunen Kabhee tujh se hukm-udoolee ho kabhi mujh se naa-farmaanee ho Kuchh yaaden aur kitaaben hon miraa ishq ho aur yaaraane hon Isee aab-o-havaa men rahnaa ho aur saaree umr bitaanee ho Koi yaad hi raKHt-e-safar Thahre koi rahguzar anjaani ho Jab tak meri umr jawan rahe aur ye taswir purani ho Koi naw kahin manjdhaar mein Dube chand se uljhe aur udhar Maujon ki wahi halqa-bandi dariya ki wahi tughyani ho Isi raat aur din ke mele mein tera hath chhuTe mere hathon se Tere sath teri tanhai ho mere sath meri virani ho Yun KHana-e-dil mein ek KHushbu aabaad hai aur lau deti hai Jo baad-e-shimal ke pahre mein koi tanha raat ki rani ho Kya DhunDte hain kya kho baiThe kis ujlat mein hain log yahan Sar-e-rah Kuch aise milte hain jaise koi rasm nibhani ho Hum kab tak apne hathon se KHud apne liye diwar chunen Kabhi tujh se hukm-uduli ho kabhi mujh se na-farmani ho Kuchh yaaden aur kitaben hon mera ishq ho aur yarane hon Isi aab-o-hawa mein rahna ho aur sari umr bitani ho