main use tujh se milaa deta magar dil mere

Main use tujh se milaa deta magar dil mere Mere kuch kaam nahin aa.e vasaa.il mere Vo junoon-khez masaafat thee ki dekhaa hee nahin Umr bhar paanv se lipTee rahi manzil mere Too milaa hai to nikal aa.e hain dushman saare Vaqt kis kis ko uThaa laayaa muqaabil mere Abr-e-girya ne wo toofaan uThaa.e ab ke Mere dariyaaon ko kam paD ga.e saahil mere Jitnaa hal kartaa hoon utnaa hee bigaD jaate hain Too nahin jaantaa ai dost masaa.il mere Ishq men haar ke ma.anee hee badal jaate hain Tujh ko maaloom nahin hai abhee qaatil mere Be-ant safar meraa muqaddar hai 'saleem' Mujh men tai kartaa hai ye kaun maraahil mere Main use tujh se mila deta magar dil mere Mere kuch kaam nahin aae wasail mere Wo junun-KHez masafat thi ki dekha hi nahin Umr bhar panw se lipTi rahi manzil mere Tu mila hai to nikal aae hain dushman sare Waqt kis kis ko uTha laya muqabil mere Abr-e-girya ne wo tufan uThae ab ke Mere dariyaon ko kam paD gae sahil mere Jitna hal karta hun utna hi bigaD jate hain Tu nahin jaanta ai dost masail mere Ishq mein haar ke mani hi badal jate hain Tujh ko malum nahin hai abhi qatil mere Be-ant safar mera muqaddar hai 'salim' Mujh mein tai karta hai ye kaun marahil mere