milnaa na milnaa ek bahaana hai aur bas
— Saleem Kausar
Milnaa na milnaa ek bahaana hai aur bas
Tum sach ho baaqee jo hai fasaana hai aur bas
Logon ko raaste kee zaroorat hai aur mujhe
Ik sang-e-rahguzar ko haTaanaa hai aur bas
Masroofiyat ziyaada nahin hai miree yahaan
MiTTee se ik charaagh banaanaa hai aur bas
So.e hue to jaag hee jaa.enge ek din
Jo jaagte hain un ko jagaanaa hai aur bas
Tum wo nahin ho jin se wafa kee umiid hai
Tum se miree muraad zamaana hai aur bas
Phoolon ko DhoonDtaa huaa phirtaa hoon baagh men
Baad-e-sabaa ko kaam dilaanaa hai aur bas
Aab o havaa to yuun bhee miraa mas.ala nahin
Mujh ko to ik darakht lagaanaa hai aur bas
Neendon kaa rat-jagon se ulajhnaa yoonhee nahin
Ik khvaab-e-raa.egaan ko bachaanaa hai aur bas
Ik waada jo kiyaa hee nahin hai abhee 'saleem'
Mujh ko vahee to waada nibhaanaa hai aur bas
Milna na milna ek bahana hai aur bas
Tum sach ho baqi jo hai fasana hai aur bas
Logon ko raste ki zarurat hai aur mujhe
Ek sang-e-rahguzar ko haTana hai aur bas
Masrufiyat ziyaada nahin hai meri yahan
MiTTi se ek charagh banana hai aur bas
Soe hue to jag hi jaenge ek din
Jo jagte hain un ko jagana hai aur bas
Tum wo nahin ho jin se wafa ki umid hai
Tum se meri murad zamana hai aur bas
Phulon ko DhunDta hua phirta hun bagh mein
Baad-e-saba ko kaam dilana hai aur bas
Aab o hawa to yun bhi mera masala nahin
Mujh ko to ek daraKHt lagana hai aur bas
Nindon ka rat-jagon se ulajhna yunhi nahin
Ek KHwab-e-raegan ko bachana hai aur bas
Ek wa'da jo kiya hi nahin hai abhi 'salim'
Mujh ko wahi to wa'da nibhana hai aur bas