mohabbat diary hargiz nahin hai mohabbat diary hargiz nahin hai

Mohabbat Diary hargiz nahin hai Jis men tum likkho Ki kal kis rang ke kapDe pahanne kaun see khushboo lagaanee hai Kise kya baat kahnee kaun see kis se chhupaanee hai Kahaan kis peD ke saa.e tale milnaa hai Mil kar poochhnaa hai Kyaa tumhen mujh se mohabbat hai Ye farsooda saa jumla hai Magar phir bhee yahee jumla Dareechon aanganon saDkon galee koochon men chaubaaron men Chaubaaron kee TuuTee seeDhiyon men Har jagah koi kisee se kah raha hai Kyaa tumhen mujh se mohabbat hai Mohabbat Diary hargiz nahin hai Jis men tum likkho Tumhen kis vaqt kis se kis jagah milnaa hai kis ko chhoD jaanaa hai Kahaan par kis tarah kee guftugoo karnee hai yaa khaamosh rahnaa hai Kisee ke saath kitnee duur tak jaanaa hai aur kab lauT aanaa hai Kahaan aankhen milaanaa hai kahaan palken jhukaanaa hai Yaa ye likkho ki ab kee baar jab wo milne aa.egaa To us kaa haath apne haath men le kar Dhanak chehre pe raushan jagmagaatee raqs kartee us kee aankhon men utar jaa.enge Aur phir gulshan-o-sahraa ke beechon-beech dil kee saltanat men khaak uDaa.enge Bahut mumkin hai wo ujlat men aa.e Aur tum us kaa haath haathon men na le paao Na aankhon hee men jhaanko aur na dil kee saltanat ko fat.h kar paao Jahaan par guftugoo karnee hai tum khaamosh ho jaao Jahaan khaamosh rahnaa hai vahaan tum bolte jaao Na.e kapDe pahan kar ghar se niklo maile ho jaao Koee khushboo lagaane kaa iraada ho to sheeshee haath se gir jaa.e Tum veeraan ho jaao Safar karnaa se pahle be-sar-o-saamaan ho jaao Mohabbat Diary hargiz nahin hai aab-joo hai Jo dilon ke darmiyaan bahtee hai khushboo hai Kabhee palkon pe lahraa.e to aankhen hansne lagtee hain Jo aankhon men utar jaa.e to manzar aur pas-e-manzar men sham.en jalne lagtee hain Kisee bhee rang ko chhoo le Vahee dil ko gavaaraa hai Kisee miTTee men ghul jaa.e Vahee miTTee sitaara hai Mohabbat Diary hargiz nahin hai Jis mein tum likkho Ki kal kis rang ke kapDe pahanne kaun si KHushbu lagani hai Kise kya baat kahni kaun si kis se chhupani hai Kahan kis peD ke sae tale milna hai Mil kar puchhna hai Kya tumhein mujh se mohabbat hai Ye farsuda sa jumla hai Magar phir bhi yahi jumla Darichon aanganon saDkon gali kuchon mein chaubaron mein Chaubaron ki TuTi siDhiyon mein Har jagah koi kisi se kah raha hai Kya tumhein mujh se mohabbat hai Mohabbat Diary hargiz nahin hai Jis mein tum likkho Tumhein kis waqt kis se kis jagah milna hai kis ko chhoD jaana hai Kahan par kis tarah ki guftugu karni hai ya KHamosh rahna hai Kisi ke sath kitni dur tak jaana hai aur kab lauT aana hai Kahan aankhen milana hai kahan palken jhukana hai Ya ye likkho ki ab ki bar jab wo milne aaega To us ka hath apne hath mein le kar Dhanak chehre pe raushan jagmagati raqs karti us ki aankhon mein utar jaenge Aur phir gulshan-o-sahra ke bichon-bich dil ki saltanat mein KHak uDaenge Bahut mumkin hai wo ujlat mein aae Aur tum us ka hath hathon mein na le pao Na aankhon hi mein jhanko aur na dil ki saltanat ko fath kar pao Jahan par guftugu karni hai tum KHamosh ho jao Jahan KHamosh rahna hai wahan tum bolte jao Nae kapDe pahan kar ghar se niklo maile ho jao Koi KHushbu lagane ka irada ho to shishi hath se gir jae Tum viran ho jao Safar karna se pahle be-sar-o-saman ho jao Mohabbat Diary hargiz nahin hai aab-ju hai Jo dilon ke darmiyan bahti hai KHushbu hai Kabhi palkon pe lahrae to aankhen hansne lagti hain Jo aankhon mein utar jae to manzar aur pas-e-manzar mein shamen jalne lagti hain Kisi bhi rang ko chhu le Wahi dil ko gawara hai Kisi miTTi mein ghul jae Wahi miTTi sitara hai