mohlat na milii khvaab ki taabiir uthaate

Mohlat na milee khvaab kee taa'beer uThaate Ham maare ga.e TuuTe hue tiir uThaate Maamoor thiin sooraj kee gavaahee pe havaa.en Phir saa.e kahaan dhoop kee jaageer uThaate Tujh tak bhee pahunchne ke liye vaqt nahin thaa Kab daulat-e-Dunya tire rah-geer uThaate Bas ek hee khwaish sar-e-maqtal hamen yaad aa.ee Zindaan se nikalte hue zanjeer uThaate Us vaqt bhee haathon ne qalam ko nahin chhoDaa Jab in pe zarooree thaa ki shamsheer uThaate Ham log 'saleem' asl se kaT kar nahin jiite Kyaa soch ke aakhir koi tasveer uThaate Mohlat na mili KHwab ki ta'bir uThate Hum mare gae TuTe hue tir uThate Mamur thin suraj ki gawahi pe hawaen Phir sae kahan dhup ki jagir uThate Tujh tak bhi pahunchne ke liye waqt nahin tha Kab daulat-e-duniya tere rah-gir uThate Bas ek hi KHwahish sar-e-maqtal hamein yaad aai Zindan se nikalte hue zanjir uThate Us waqt bhi hathon ne qalam ko nahin chhoDa Jab in pe zaruri tha ki shamshir uThate Hum log 'salim' asl se kaT kar nahin jite Kya soch ke aaKHir koi taswir uThate