mulaaqaaton kaa aisa silsila rakkhaa hai tum ne

Mulaaqaaton kaa aisa silsila rakkhaa hai tum ne Badan kya ruuh men bhee rat-jagaa rakkhaa hai tum ne Koee aasaan nahin thaa zindagee se kaT ke jiinaa Bahut mushkil dinon men raabta rakkhaa hai tum ne Ham aise milne vaalon ko kahaan us kee khabar thee Na milne kaa bhee koi raasta rakkhaa hai tum ne Junoon kee haalaton kaa ham ko andaaza nahin thaa Diye ki shah pe sooraj ko bujhaa rakkhaa hai tum ne Havaa ko habs karnaa ho to koi tum se seekhe Dareeche band darvaaza khulaa rakkhaa hai tum ne Ab aisa hai ki Dunya se ulajhte phir rahe hain Ajab kaifiyaton men mubtilaa rakkhaa hai tum ne Khizaan jaise hare peDon ko rusvaa kar rahi hai Sulook aisa hee Kuch ham se ravaa rakkhaa hai tum ne Rihaa.ee ke liye zanjeer pahnaa.ee ga.ee thee Aseeree ke liye pahraa uThaa rakkhaa hai tum ne Bureeda aks larzaan hain lahoo kee vahshaton men Ye kaisaa aa.eena-khaana sajaa rakkhaa hai tum ne Jahaan kirdaar goonge dekhne vaale hain andhe Isee manzar se to parda haTaa rakkhaa hai tum ne Mohabbat karne vaale ab kahaan jaa kar milenge Guzargaahon ko to maqtal banaa rakkhaa hai tum ne Mulaqaton ka aisa silsila rakkha hai tum ne Badan kya ruh mein bhi rat-jaga rakkha hai tum ne Koi aasan nahin tha zindagi se kaT ke jina Bahut mushkil dinon mein rabta rakkha hai tum ne Hum aise milne walon ko kahan us ki KHabar thi Na milne ka bhi koi rasta rakkha hai tum ne Junun ki haalaton ka hum ko andaza nahin tha Diye ki shah pe suraj ko bujha rakkha hai tum ne Hawa ko habs karna ho to koi tum se sikhe Dariche band darwaza khula rakkha hai tum ne Ab aisa hai ki duniya se ulajhte phir rahe hain Ajab kaifiyaton mein mubtila rakkha hai tum ne KHizan jaise hare peDon ko ruswa kar rahi hai Suluk aisa hi Kuch hum se rawa rakkha hai tum ne Rihai ke liye zanjir pahnai gai thi Asiri ke liye pahra uTha rakkha hai tum ne Burida aks larzan hain lahu ki wahshaton mein Ye kaisa aaina-KHana saja rakkha hai tum ne Jahan kirdar gunge dekhne wale hain andhe Isi manzar se to parda haTa rakkha hai tum ne Mohabbat karne wale ab kahan ja kar milenge Guzargahon ko to maqtal bana rakkha hai tum ne